Është sezona e verës së nxehtë dhe të mundimshe, sidomos për fëmijët dhe për më të moshuarit.
E kur është fjala për fëmijët, duhet t’i dini disa gjëra për përkujdesjen e tyre, në mënyrë që t’i përballojnë më leht këto ditë:
Në det
Para së gjithash, shmangni orët më të nxehta të ditës, mos i ekspozoni ndaj dritës së drejtpërdrejtë të diellit dhe mbrojeni lëkurën e tyre me rroba të përbëra nga fibra natyrale të lehta apo një kapele me strehë. Shmangni aplikimin e kremrave mbrojtës tek foshnjat shumë të vegjël, por nëse është e nevojshme zgjidhini me përmbajtje mineralesh të tilla si oksid zinku ose titan, të cilët nuk janë shumë të yndyrshëm, për të parandaluar problemet me poret.
Në male
Pushimet në mal me fëmijën nuk kërkojnë masa të veçanta, përveçse të shmangni lartësitë e mëdha si dhe periudhat shumë të shkurtra, si për shembull një ose dy ditë, që nuk lejojnë përshtatjen me ndryshimet fiziologjike të nevojshme kur ndyrshon lartësinë.
Kujdes nga mushkonjat
Së pari, përpiquni të shmangni vendet ku ka shumë insekte dhe nëse është e nevojshme, përdorni rrjeta kundër mushkonjave edhe në karrocë. Gjithashtu mos aplikoni produkte kundër tyre në lëkurën e fëmijëve para moshës gjashtë muajshe.
Udhëtimet
Të sapolindurit mund të merren në mënyrë të sigurt në udhëtimet me makinë në verë. Gjëja më e rëndësishme është që të sigurohen kushte të favorshme klimatike, kështu që duhet të shmangni udhëtimin gjatë orëve më të nxehta të ditës. Natyrisht, fëmija duhet gjithmonë të pozicionohet në sexholinon e tij.
Ajri i kondicionuar
Po ata që do ta kalojnë verën në shtëpi? Përdorimi i kondicionerit nuk është i ndaluar, por temperatura e ambientit duhet të jetë vetëm 3-5 gradë më e ulët se ajo e jashtme; fletët duhet të drejtohen lart dhe natën ventilatori duhet të jetë i vendosur në minimum./pernenat