Dhëmbët e foshnjave fillojnë të rriten midis katër dhe shtatë muajve pas lindjes së tyre. Si një nënë ju sigurisht emocionoheni kur shikoni që fëmijës do t’i dalin dhëmbët por kjo periudhë mund të jetë edhe jashtëzakonisht e dhimbshme. Dalja e dhëmbëve mund të shkaktojë dhimbje në mishrat e një fëmije dhe të mos e lejojë atë të flejë. Më poshtë ju tregojmë disa mënyra se si ta vendosni fëmijën tuaj në gjumë në këtë periudhë:
1.Jepini fëmijës diçka të ftohtë për të përtypur. I ftohti qetëson nervat e dhëmbëve dhe redukton dhimbjen. Kjo është arsyeja pse, në ditët e sotme, kompanitë e lodrave po krijojnë goma të ngrira ose me xhel të ftohtë. Gjithashtu ka nga këto lodra të ftohta që fëmijët i mbajnë në gojë për të qetësuar dhimbjen. Nëse nuk keni ndonjë lodër të ftohtë të tillë, mund të merrni një leckë të pastër brenda së cilës të keni vendosur akull. Mos i vendosni lodrat për dhëmbët e fëmijëve në frigorifer pasi ato mund të bëhen më të forta dhe të dëmtojnë dhëmbët e të voglit tuaj. Gjithmonë jini të vëmendshëm për të mbikëqyrur fëmijën tuaj kur ai është duke përtypur diçka. Lodrat e dhëmbëve për fëmijët janë të dizajnuara për të prekur dhëmbët dhe jo të gëlltiten, prandaj mbani një sy tek fëmija juaj.
2.Masazhoni dhëmbët. Ndërsa përpiqeni ta vendosni në gjumë fëmijën masazhoni dhëmbët e bebit me gisht. Kjo do të lehtësojë dhimbjen dhe ndihmon që fëmija të flejë. Nëse zgjoheni në mes të natës, mund të masazhoni përsëri për ta ndihmuar atë të flejë. Ndërsa masazhoni mishrat, do të jeni në gjendje të ndjeni se ku po dalin dhëmbët. Përqëndrohuni në masazhimin e këtyre zonave në veçanti. Sigurohuni që gishtat tuaj janë të pastër para se të masazhoni.
3.Jepini fëmijës çaj kamomili. Çaji i kamomilit ndihmon në reduktimin e inflamacionit, zbutjen e dhimbjes së stomakut, rritjen e imunitetit, nxitjen e relaksimit dhe nxitjen e gjumit. Dhënia e çajit të kamomilit tek një foshnjë që është me gji i jep atij lehtësim nga dhimbja e dhëmbëve dhe madje mund të sjellë gjumin. Megjithatë, duhet theksuar se çaji i kamomilit nuk duhet t’i jepet foshnjave që janë më pak se gjashtë muaj.
4.Jepini foshnjës ushqim të ftohtë para gjumit. Siç e thamë më sipër i ftohti lehtëson dhimbjen në mishra dhe një stomak i ngopur sjell gjumë. Ju mund t’i jepni bebes kos të ftohtë ose fruta dhe perime të ftohta, të tilla si rrushi ose karrota të ziera. Sidoqoftë, mbani mend që t’u jepni atyre ushqim të përshtatshëm për moshën, për shembull fruta ose perime, të cilat ata mund t’i përtypin siç duhet.
5.Krijoni një mjedis të qetë. Për ta vendosur në gjumë fëmijën tuaj, është e rëndësishme që të vendosni një orar për të fjetur. Kur një fëmijë ka një orar të caktuar të gjumit, trupi i tij përshtatet në përputhje me rrethanat. Kjo e bën atë të përgjumet kur afrohet koha e gjumit. Kjo gjë funksionon në thelb si parimet e formimit të zakonit. Rutina mund të përfshijë një banjë të ngrohtë, ndryshimi i pizhamave, leximi i një tregimi të shkurtër, këndimi i një kënge etj.
6.Vendosja në gji. Ushqyerja me gji gjithashtu e qetëson fëmijën tuaj. Por duke qenë se i dalin dhëmbët bebi mund të grindet dhe t’ju dëmtojë thithat. Për ta parandaluar këtë, masazhoni mishrat e fëmijës suaj para se ta ushqeni. Ushqyerja me gji është një mënyrë efektive për ta zbutur fëmijën tuaj dhe për ta vënë atë në gjumë.
7.Përdorni ilaçe për qetësimin e dhimbjeve. Kjo duhet të jetë mënyra juaj e fundit nëse keni provuar metodat e tjera dhe nuk ju kanë sjellë ndonjë rezultat pozitiv. Qetësuesit e dhimbjes mund të ndihmojnë për ta vënë fëmijën në gjumë. Gjithmonë konsultohuni me mjekun tuaj para përdorimit të ilaçeve. Sëmundjet kundër dhimbjeve si Ibuprofeni kanë formulime të veçanta dhe të holluara të bëra posaçërisht për fëmijët dhe foshnjat. Mos përdorni ilaçe vetë kundër dhimbjes.
Sa kohë zgjat dhimbja e dhëmbëve tek foshnja?
Është e vështirë të thuhet se sa kohë zgjat dhimbja e dhëmbëve. Për shembull, një fëmijë mund të ndiejë dhimbjen për disa muaj përpara se dhëmbët të dalin plotësisht. Ndërkohë, të tjerë mund të ndiejnë dhimbjen kur dhëmbët të formohen në mishrat e dhëmbëve dhe të jenë gati për të dalë. Intensiteti i dhimbjes mund të ndryshojë nga një fëmijë në tjetrin. Megjithatë, dhimbja më së shumti largohet sapo dhëmbi del nga mishrat.
Këshilla paralajmëruese:
Gjithmonë shikoni fëmijën nëse ai ka diçka në gojën e tij, qoftë për lodra, lecka apo ushqim. Gëlltitja e këtyre objekteve mund të bëjë që fëmija të mbytet, prandaj kini kujdes.
Konsultohuni me mjekun para se të përdorni ilaçet kundër dhimbjes për fëmijën tuaj.
Një ilaç i zakonshëm në shtëpi është që të vendosni aspirina të grimcuara në mishrat e dhëmbëve por kjo nuk duhet bërë pasi mund ta sëmurë fëmijën.
Foshnjat ndonjëherë zhvillojnë një zakon që tërheqin veshin kur ju dalin dhëmbët, pasi dhimbja e dhëmbëve mund të transferohet në kanalin e veshit. Nëse dhimbja është e tepruar, konsultohuni me një mjek, pasi fëmija juaj mund të vuajë nga një infeksion i veshit.
Mos përdorni kremëra ose xhelëra që mund të sugjerohen për të mpiksur mishrat e fëmijës suaj.
A mund të bëjë dalja e dhëmbëve që disa foshnja të flenë më shumë?
Disa prindër thonë se fëmijët e tyre flenë më shumë kur u dalin dhëmbët. Dalja e dhëmbëve mund ta bëjë fëmijën të ndihet pak i lodhur dhe kështu ai mund të flejë më shumë. Megjithatë, nuk ka dëshmi që e provojnë këtë. Fëmija juaj mund të jetë duke fjetur më shumë, sepse ai po kalon një rritje të shpejtë. Bebet janë gjithmonë në fazë rritjeje, megjithëse rritja e tyre mund të mos jetë gjithmonë konstante, mund të jetë e shpejtë në një periudhë dhe e ngadaltë gjatë një periudhë tjetër.