I vogli juaj shumë shpejt do të fillojë të fillojë të përdorë fjalët për të përshkruar ato që sheh, dëgjon, ndjen dhe mendon. Edhe para se të belbëzojë fjalët e para, ata kanë qenë duke ju dëgjuar tek flisni qysh më herët.
E qara është forma e parë e komunikimit të një foshnjeje. Në 3 muajt e parë ato fillojnë të lëshojnë tinguj kur prindërit u flasin, kurse prej 6 muajve foshnjet vetëm se fillojnë të lidhin fjalët e para sic mund të jenë “na” ose “ba”, shkruan BabyCentre, përcjellë GazetaShneta.
12-17 muaj
Rreth ditëlindjës së parë fëmija juaj do të përdorë një apo disa fjalë për të komunikuar me juve. Mund të fillojë të bëjë edhe gjestë si formë tjetër e sinjalit. Ato do të kuptojnë edhe nëse u thoni “eja këtu”, ose “luaj me arushin”.
18-24 muaj
Në këtë priudhë fëmijët fillojnë të përdorin rreth 20 fjalë ne maksimum. Rreth moshës 2 vjeçara ata shtojnë në fjalorin e tyre 30 tjera më shumë. Fillojnë të flasin me veten gjersa luajnë. Bëni kujdes që të mos përdorni përemrat “unë jam…”, “ajo është tezja jote…”; në këtë moshë fëmijët nuk dallojnë ende këto ndarje. Thuani “gjuaje topin” në vend të “hidhja topin tezes…”
25-26 muaj
Rreth moshës 2 vjeçare fëmijët përdorin deri në 300 fjalë. Fillojnë të bëjnë ndarjen e personave përmes emrave, por ende nuk dallojnë intonacionin që duhet ta përdorin. Fëmijët do të fillojnë të bëjnë biseda me ju. Mos i përmirësoni nëse gabojnë në gramatikën e fjalëve. Kur ju thonë “dje do të luajmë me top”, thjeshtë përgjigjtuni “po, dje kemi lozur me top”. Në këtë fazë filloni t’i lidhni fjalitë me disa fjalë. Ndihmon shumë nëse uleni përballë fëmijës dhe komunikoni qartë dhe fjalë të lehta.
Si ta nxisni fëmijën të flasë çdo herë e më shumë?
Flisni me fëmijët sa më shumë që të mundeni gjatë tërë ditën sepse kështu do të mësojë më shumë fjalë. I flisni përderisa jeni duke e ndërruar, larë ose ushqyer. Përdorni fjalë të thjeshta por duke e vënë theksin tek fjalët kryesore. Kështu ata do sinjalizohen se cilat fjalë kanë më shumë rënëdësi.
Nëse fëmija përdor vetëm dy fjalë, për shembull “peshku” ju thuani “një peshk i madh”.
Një ndihmesë tjetër e madhe janë edhe librat. Shfletoni sa më shumë libra së bashku duke krijuaj histori me imazhet që shihni. Të vegjëlit do të fillojnë të kopjojnë këto sjellje duke thurur fjali në bazë të atyre fotografive. Kështu zhvillojnë imagjinatën e po ashtu njoftohen që në vegjëli me librat dhe të lexuarit.
Si ta kuptoni nëse fëmija juaj ka problem me të folurit?
Në të vërtetë nuk ka ndonjë mënyrë të saktë për të zbuluar këtë gjë. Nëse e ndjeni se ky mund të jetë një problem atëherë bëni një vizitë mjekësore. Mjeku do të jetë në gjendje të tregojë nëse të folurit e fëmijës është duke u zhvilluar sipas kohës. /GazetaShneta/