Ndotja e lartë e ajrit në Prishtinë kohët e fundit është bërë një nga shqetësimet më të mëdha të qytetarëve.
Gjatë ditës së sotme edhe mbajtur edhe një protestë ku janë parashtruar kërkesat për institucionet që të ndërmarrin masa kundër ndotjes së ajrit.
Mjekët në përgjithësi kanë sugjeruar që të shmanget sa më shumë dalja në ambiente të jashtme në kohën kur ka ngritje të vlerave të ndotjes, shkruan Gazeta Shneta.
Gjinekologu Afrim Veliu thotë se nga personat më të ndjeshëm ndaj ajrit të ndotur janë gratë shtatzëna.
“Gratë shtatzëna duhet t’iu përmbahen më së shumti këshillave për shmangie të daljes në ambiente të jashtme në këto kushte”, thotë Dr. Veliu.
“Gratë në përgjithësi janë pjesa më e ndjeshme ndaj këtij fenomeni, sepse ajri i ndotur mund të ndikojë në sistemin riprodhues, duke filluar nga sëmundjet respiratore, kardiovaskulare dhe anemia. Prandaj duhet të ndërmerren masat individuale për mbrojtje”, ka deklaruar ai.
Gjinekologu Veliu thotë se nuk ka ndonjë barnë që mund të merret nga gratë shtatzëna për të parandaluar rrezikun nga infeksionet e mundshme.
“Të konsumojnë sa më shumë ushqime të freskëta, lëngje dhe sidomos ujë”, ka deklaruar Dr. Veliu.
Për më shumë këshilla dhe sugjerime nga mjeku mund ta kontaktoni duke klikuar KËTU. /Gazeta Shneta/