Si t’i vëni më lehtë fëmijët në gjumë!

2017-03-15 në ora 21:38

Krijimi i një rutine të qëndrueshme të fjetjes së fëmijës tuaj mund të funksionojë shumë mirë nëse ju praktikoni disa këshilla të thjeshta dhe praktike.

Vendosja në gjumë e fëmijës mund të jetë një sfidë e vërtetë për shumë prindër. Por, duke praktikuar këshillat e mëposhtme, ju do të krijoni një rutinë funksionale për të vendosur fëmijën tuaj në gjumë.

Sigurohuni që ta vendosni fëmijën në gjumë në të njëjtën kohë çdo natë. Fëmijët ndjehen të sigurt dhe janë më të prirë të flenë mirë kur ata kanë një kohë të qëndrueshme të fjetjes dhe një rutinë të parashikueshme. Kjo ndihmon që të siguroheni se ata do të flenë mjaftueshëm, kur i jepni botës së tyre një organizim.

Gjatë vikendeve mos e ndryshoni kohën e gjumit më shumë se një orë çdo natë. Kjo krijon një huti te foshnja juaj kur të vijë e hëna. Nëse është e patjetërsueshme të qëndrojë zgjuar, planifikoni aktivitete për mëngjeset e vikendit, ashtu që fëmija juaj të ketë arsye të zgjohet herët nga shtrati.

Kufizoni lojën aktive, televizionin, video-lojërat dhe kohën e qëndrimit në kompjuter për një orë ose dy para kohës së gjumit.

Tregoni fëmijës tuaj pesë ose dhjetë minuta para se të vijë koha e gjumit, ashtu që ata të mund t’i përfundojnë ato çfarë kanë filluar.

Krijoni një ritual të zakonshëm të kohës së gjumit që ju dhe fëmija juaj të mund të merrni pjesë çdo natë. Zgjidhni ndonjë aktivitet të qetë, relaksues, si leximi i tregimeve, këndimi i këngëve, tërheqje muskulore. Ju mund t’i ndryshoni tregimet, këngët, ose ushtrimet e para-gjumit, por vazhdoni ta mbani ritmin çdo natë.

Kujdesuni për nevojat fizike të fëmijës, ashtu që ai të mos ketë nevojë të zgjohet nga shtrati. Sigurohuni që ai/ajo të veshë pizhame komforte dhe të ketë kukullën e vet të preferuar ose edhe batanijen afër. Disa fëmijë duan një gotë ujë afër, derën lehtësisht të hapur dhe një dritë nate të ndezur.

Ajri në dhomën e fjetjes duhet të jetë lehtësisht i ftohtë – rreth 19-20 gradë Celsius. Nëse ajri është shumë i thatë, përdorni avullues.

Nëse vëllezërit ose motrat e moshuara lejohet të qëndrojnë më vonë, sigurohuni që ata të bëjnë aktivitete të qeta të mos e zgjojnë motrën/vëllain më të vogël.

Largohuni nga dhoma derisa ata janë ende të zgjuar, ashtu që të mësohen të rehatohen vetë. Mjeku.Net