Edhe pse disa njerëz që kontraktojnë SARS-CoV-2 shfaqin simptoma serioze, të tjerët janë në gjendje të shërohen pas një periudhe mjaft të shkurtër kohore.
Një studim i ri, tregon se si sistemi imunitar i një personi tjetër të shëndetshëm ishte në gjendje të luftonte virusin brenda ditëve shkruan burimi MedicalNewsToday përcjell Gazeta Shneta.
Shkencëtarët ishin në gjendje të kryejnë një studim rasti duke përdorur informacione në lidhje me një nga pacientët e parë në spital me një infeksion SARS-CoV-2 në Australi.
Kjo ishte një femër 47-vjeçare që kishte udhëtuar për në Melburn nga Wuhan, Kinë. Poashtu, pacientja në fjalë po përjetonte simptoma të buta deri të moderuara të infeksionit.
“Ne treguam se edhe pse COVID-19 është shkaktuar nga një virus i ri, në një person ndryshe të shëndetshëm, një reagim i fortë imunitar në të gjitha llojet e qelizave të ndryshme shoqërohej me rimëkëmbjen klinike, të ngjashme me atë që shohim tek gripi,” thotë bashkëautore e studimit Prof. Katherine Kedzierska.
Gjithashtu, Prof. Katherine Kedzierska, dhe kolegët e saj gjetën një rritje të imunoglobulinave – lloji më i zakonshëm i antitrupave – në mostrat e gjakut të gruas.
Përvec kësaj ata gjetën poashtu një numër të madh të qelizave kryesore imune, të tilla si qelizat ndihmëse të specializuara T, qelizat T vrasëse dhe qelizat B, në 7-9 ditë pas shfaqjes së simptomave.
“Ky është një hap i jashtëzakonshëm përpara për të kuptuar se çfarë e shtyn shërimin e COVID-19” gjegjësisht luftën e sistemit imunitar karshi virusit korona përfundoi ajo. /Gazeta Shneta/