Ne kemi dëgjuar këshillat për t’u testuar për COVID-19 nëse kemi simptoma si ethe, kollë ose lodhje, por çfarë të bëni nëse keni diarre, dhimbje koke apo skuqje?
Këto gjendje të lartpërmendura janë disa nga problemet shëndetësore të listuara nga Organizata Botërore e Shëndetit (OBSH) si simptoma më pak të zakonshme të COVID-19 shkruan ABC.net.au përcjell Gazeta Shneta.
Mjeku i urgjencës, Stephen Parnis, ka qenë në vijën e parë të përgjigjes ndaj pandemisë në Australi duke trajtuar qindra pacientë në spitalet e Melburnit.
“Ndërsa kishte hasur në shumë pacientë të pranishëm me simptoma të frymëmarrjes, rreth një e treta e pacientëve vijnë me simptoma të pazakonta si të vjella, diarre dhe lodhje”, tha ai.
Dr Parnis tha që vetëm një numër i vogël i njerëzve që hynin në departamentet e urgjencës me të vjella dhe diarre testohen pozitiv ndaj COVID-19.
Ai paralajmëroi se simptomat e pazakonta po shfaqeshin në të gjitha grupmoshat.
“Kam parë një pacient të moshuar, simptoma e të cilit ishte vetëm diarreja dhe doli që ai të kishte COVID-19”, tha Dr Parnis.
Në anën tjetër kemi dhe deklaratat e profesoreshës Carol Hodgson e cila në lidhje me situatën u shpreh se: “Kur jeni të infektuar me Covid-19, ekziston një inflamacion sistemik dhe si i tillë ky inflamacion mund të ndikojë në organet kryesore në trup,” tha ajo.
Profesoreshë Hodgson tha se simptoma më të pazakonta përfshijnë humbjen e oreksit dhe dhimbje në nyje apo gjoks, por shumica e pacientëve që kanë provuar këto gjithashtu kanë përjetuar simptoma të zakonshme.
“Studimet ndërkombëtare kanë treguar që ju mund të merrni disa simptoma të pazakonta, madje edhe sy të dhimbshëm ose të kuq si konjunktiviti ose thatësia,”. Në raste të rralla, ka pasur raportime për humbjen e flokëve” tha ajo.
Personat e rinj në veçanti duhet të vëzhgojnë poashtu ndryshimet e lëkurës dhe skuqjen e lëkurës në këso raste. /Gazeta Shneta/