Ekspertët mjekësorë kanë treguar në lidhje me simptoma të zgjatura pas rikuperimit te pacientët me COVID-19.
Tanimë janë të njohura nga të gjithë, simptomat e zakonshme të COVID-19, të cilat përfshijnë një ethe, kollë të thatë dhe gulçim shkruan Express.co.uk përcjell Gazeta Shneta.
Disa njerëz kanë përjetuar simptoma të tjera të sëmundjes të tipit më të rëndë duke përfshirë çështje gastrointestinale, skuqje në lëkurë, bllokime, humbje të erës dhe lodhje.
Por, tani kemi dhe pacientë të rikuperuar nga Covid-19 ku thonë se ende vuajnë nga simptoma të Covidit edhe pas shërimit.
Samantha Demmler, 27 vjece nga Melbourne, Australi u testua pozitive për COVID-19 në muajin mars dhe ende vuan nga efektet e kësaj sëmundje.
Pacientja Demmler tha: “Që kur kam pasur virusin, efektet e mia kryesore kanë qenë një grumbullim i lëngjeve në mushkëritë e mia, dhe ulje në ndjenjën e nuhatjes dhe humbjen e kujtesës“.
Shkencëtarët dhe ekspertët e sëmundjes infektive dinë ende shumë pak për efektet afatgjate të koronavirusit të ri, duke lënë shumë pacientë të rikuperuar të jetojnë nga frika e afektimit të një valë të dytë të sëmundjes.
Profesor Peter Collignon i fushës së mjekësisë infektive tha se: “Shpesh shihni raste se duhen shumë muaj që njerëzit të kthehen në normale edhe kur, në mjekësi, ne nuk mund të gjejmë një anomali”.
Në një studim të publikuar në ‘Jama Network’, simptomat e vazhdueshme te pacientët pas COVID-19 akut u hetuan.
“Ky studim zbuloi se në pacientët që kishin marrë veten nga COVID-19, 87.4 përqind raportuan për të paktën një simptome, veçanërisht lodhje dhe dispne”. /Gazeta Shneta/