Varianti indian i koronavirusit vazhdon të qarkullojë rreth Mbretërisë së Bashkuar pasi tani ka 86 autoritete lokale me të paktën pesë raste të llojit të ri. Por cilat janë shenjat e variantit indian të infeksionit Covid?
Simptomat e shoqëruara me variantin e Indisë janë kryesisht të njëjta me infeksionet e rregullta Covid, shkruan Express.co.uk përcjell Gazeta Shneta.
Kjo përfshin një kollë e re e vazhdueshme, temperaturë e lartë mbi 38ºC si dhe humbja e shijes ose nuhatjes.
Sidoqoftë, një mjek indian ka folur rreth simptomave të reja që zbulohet se shoqërohen me virusin midis pacientëve në vend.
Mjekët e përgjithshëm në Indi po raportojnë gjithnjë e më shumë raste të:
– Thatësi ekstreme të gojës;
– Irritim ose kruarje e gjuhës;
– Ulçera në gojë;
Doktor GB Sattur u bëri thirrje njerëzve të bëjnë kujdes dhe të qëndrojnë vigjilent ndaj simptomave shtesë.
Ai tha se: “Mjekët duhet të mbajnë nën vëzhgim ankesat e gjuhës dhe të mos i injorojnë ato. Qeveria duhet të bëjë më shumë rreth sekuencimit të gjenomit për të kuptuar më mirë variantet”.
Dr. Sattur shtoi se kushdo që mund të has në simptomat orale të shoqëruara me dobësi ekstreme ose lodhje duhet të marrë një test Covid sa më shpejt të jetë e mundur.
Kjo nuk është hera e parë që simptomat orale shoqërohen me koronavirusin,- ‘gjuha Covid’ më parë është përshkruar si një shenjë e mundshme e koronavirusit e zbuluar në Britaninë e Madhe. /Gazeta Shneta/