Një tjetër problem kritik që nxjerr OBSH-ja është mbështetja e pamjaftueshme për viktimat e dhunës gjinore në Evropë.
Shumë gra që përballen me dhunë fizike ose psikologjike shpesh hasin pengesa të mëdha në qasjen ndaj shërbimeve mjekësore dhe sociale, përfshirë mungesën e trajtimeve të specializuara dhe koordinimin e dobët midis institucioneve, shkruan Euronews, transmeton Gazeta Shneta.
Raporti i OBSH- së nënvizon se për të adresuar këtë problem është e nevojshme të përmirësohet infrastruktura e shëndetësisë, të trajnohet stafi i specializuar dhe të sigurohet akses i plotë dhe i shpejtë në shërbime mjekësore, psikologjike dhe ligjore. Pa këto masa, efektet afatgjata mbi shëndetin e grave dhe barazinë gjinore mund të thellohen, duke u bërë një problem shëndetësor dhe social i rëndësishëm në Evropë.
Ekspertët rekomandojnë gjithashtu krijimin e politikave të integruara dhe financimin e qëndrueshëm të shërbimeve për viktimat e dhunës gjinore, duke siguruar një mbështetje gjithëpërfshirëse që përfshin kujdes mjekësor, psikologjik dhe ligjor, në mënyrë që të zvogëlohen pasojat fizike dhe psikologjike të dhunës dhe të rritet siguria për gratë në të gjithë kontinentin. /Gazeta Shneta/