Skriningu rutinë i qafës së mitrës ndihmon në mbrojtjen kundër kancerit të qafës së mitrës. Teksa, testi zakonisht bëhet çdo 5 vjet. Mes tjerash, mund të bëhet edhe gjatë shtatzënisë.
Çfarë është skriningu i qafës së mitrës?
Skriningu i qafës së mitrës është një mënyrë e thjeshtë për të kontrolluar shëndetin e qafës së mitrës, që është hapja e mitrës në pjesën e sipërme të vaginës.
Ky test kontrollon për virusin HPV (Human Papillomavirus), i cili transmetohet përmes marrëdhënieve seksuale dhe mund të shkaktojë ndryshime në qelizat e qafës së mitrës. Këto ndryshime, në disa raste, mund të çojnë në kancer.
Kush duhet ta bëjë testin?
Duhet ta bëjnë personat që:
– janë nga 25 deri në 74 vjeç;
– kanë pasur marrëdhënie seksuale;
– kanë qafë mitre;
– Nëse keni bërë Pap-test më parë, testi i parë i ri bëhet 2 vjet pas testit të fundit.
Po nëse jam nën 25 vjeç?
Zakonisht nuk nevojitet skrining para moshës 25 vjeç, sepse nuk sjell përfitime shtesë. Por nëse keni simptoma si gjakderdhje pas marrëdhënieve seksuale ose midis cikleve, mund të nevojitet testim.
Nëse keni pasur rezultate jo normale më parë, duhet të ndiqni këshillat e mjekut.
A mund të bëhet gjatë shtatzënisë?
Po. Skriningu i qafës së mitrës është i sigurt gjatë shtatzënisë dhe nuk duhet të shtyhet. Nëse jeni në kohë për test ose nuk e keni bërë kurrë, duhet ta bëni edhe gjatë shtatzënisë.
Mjeku ose mamia mund ta ofrojë si pjesë e kujdesit antenatal.
A ka rrezik për foshnjën?
Jo. Testi është i sigurt për ju dhe foshnjën. Mund të ketë pak gjakderdhje pas testit, por kjo nuk është e rrezikshme.
Çfarë do të thotë rezultati?
Rezultat normal: nuk ka HPV → testi përsëritet pas 5 vitesh.
HPV pozitiv: mund të nevojitet kontroll pas 12 muajsh ose kolposkopi.
Ndryshime para-kanceroze: zakonisht shtatzënia vazhdon normalisht.
Kancer i zbuluar: trajtimi përcaktohet nga specialistët.
HPV shpesh largohet vetë pa trajtim.
Kur duhet të vizitoj mjekun?
Nëse:
– jeni në moshën 25–74 dhe nuk keni bërë test;
– keni gjakderdhje ose sekrecione të pazakonta;
– keni simptoma shqetësuese në çdo moshë;
Ky tekst është marrë nga burimi Pregnancy Birth Baby dhe është përkthyer dhe redaktuar nga Gazeta Shneta.