Sllovakia, prezantoi të hënën – kufizime për njerëzit e pavaksinuar kundër COVID-19, tha ministria e shëndetësisë, ndërsa vendi i Evropës Qendrore lufton me një nga normat më të larta të infeksionit me koronavirus në botë.
Personat e pavaksinuar nuk lejohen të hyjnë në dyqane të tjera përveç atyre që konsiderohen thelbësore, si p.sh. dyqane ushqimore, barnatore, madje edhe me një test negativ të koronavirusit shkruan MedicalxPress përcjell Gazeta Shneta.
“Ne kemi përdorur një bllokim të fuqishëm të të pavaksinuarve, sepse ne duhet t’i mbrojmë ata,” tha kryeministri Eduard Heger në transmetuesin publik RTVS.
Heger tha gjithashtu se do t’i propozonte qeverisë vaksinimin e detyrueshëm për të moshuarit.
Sllovakia ka shkallën e katërt më të lartë të infeksionit në botë me 917 raste të reja me COVID-19 për 100,000 banorë gjatë shtatë ditëve të fundit, sipas një përllogaritjeje të AFP-së, pas Sllovenisë, Austrisë dhe Republikës Çeke -fqinje.
“Shkalla e lartë është për shkak të shumë faktorëve, më i rëndësishmja prej të cilëve është se ne kemi shumë pak njerëz të vaksinuar,” i tha burimit AFP, të hënën kryetari i Shoqatës së Sindikatës së Mjekëve, Peter Visolajsky.
“Kufizimet e miratuara janë ende shumë të dobëta dhe nuk janë aq efektive sa në rastin e variantit të mëparshëm të koronavirusit”, tha Visolajsky.
Eksperti tha se zbatimi më i mirë i kufizimeve ekzistuese dhe “një vaksinim më intensiv mund të zvogëlojë numrin e infeksioneve”.
“Vaksinimi i detyrueshëm do të ishte një hap i rëndësishëm në Sllovaki, por ai duhet të justifikohet mjekësisht,” shtoi ai.
Vendi i BE-së me 5.4 milionë banorë ka një nga normat më të ulëta të vaksinimit në Bashkimin Evropian. Vetëm 45.7 për qind e popullsisë është plotësisht e vaksinuar në Sllovaki. /Gazeta Shneta/