Deputetët e Kuvendit të Kosovës kanë filluar seancën e jashtëzakonshme, ku po debatohet rreth situatës epidemiologjike në vend për pandeminë, shkruan Gazeta Shneta.
Gjatë kësaj seance, fjalën i pari e mori ish-minstri Armend Zemaj i cili shprehi pakënaqësitë e tij ndaj Qeverisë Kurti dhe mënyrës se si po trajtohet çështja e pandemisë.
“Qeveria nuk e ka problem të hedhi në plehra vaksinat edhe atëherë kur më së shumti na duhen, nuk ka respekt dhe vlerësim për punën e të të gjithëve pa përjashtim, po kontriubon që profesionistët shëndëtësorë të ikin jashtë vendit”, u shpreh Zemaj.
Tutje, ai ka theksuar se sjellja e qeverisë është jo korrekte dhe fton ata që sa më shpejtë të ndërmarrin hapa për përmirësimin e kësaj gjendje. Ai tha se shifrat e larta të të infektuarve me COVID-19 janë epilog i paaftësisë së qeverisë.
“Afër 30 mijë rastet me COVID vetëm gjatë këtij muaji. Vetëm dje kemi mbi 4 mijë raste. Ky është epilogu mujor i paftësisë së qeverisë. Ky është rezultati i menaxhimit online të pandemisë të cilin e patë proklamuar qeveria thuase pandemia është përhapur online, mbasë të njëjtën mënyrë e ka menaxhuar edhe gripin sezonal”, ka deklaruar Zemaj.
Po ashtu, gjatë deklaratës, Zemaj ka kritikuar Kurtin edhe për masat ashpërsuese ndaj atyre që hyjnë në Kosovë. /Gazeta Shneta/