Tenderi për furnizim me Aparat Transport Inkubator për Spitalin Regjional të Ferizajt më saktësishtë në repartin e Gjinekologjisë nuk shkoi ashtu sic ishte planifikuar.
Me kërkesë emergjente spitali pati hapur tenderi për furnizim, me një çmim të parashikuar 9 mijë e 900 euro, por gjashtë ditë më pas tenderi u anulua.
Tenderi ishte shpallur më 20 korrik ndërsa është anuluar më 26 korrik 2022.
Në kontratën e anuluar thuhet se njësia kërkuese në këtë rast Spitalin Regjional në Ferizaj ka bërë një gabim pasi që nuk kanë specifikuar karrocën transportuese ndërsa inkubatori pa karrocë është jo funksional.
Inkubatori është i nevojshëm për repartin e Neonatologjisë. Spitali Regjional në Ferizaj nuk ka repart të vecantë të neonatologjisë mirëpo ofron shërbime neonatologjike në kuadër të repartit të Gjinekologjisë.
UD menaxheri i prokurimit të spitalit, Sami Malsiu, sqaroi se nga reparti i Gjinekologjisë e kanë vendosur fotografin e karrocës mirëpo nuk e kanë shkruar emrin e saj përmes së cilës specifikohet karroca që u nevojitet.
Pas këtij gabimi, Malsiu thotë se kanë qenë të detyruar të anulojnë tenderi dhe të rishpallin më 29 korrik 2022.
“Operatorët Ekonomik kanë kërkuar sqarim për këtë, me një çmim prej mbi 9 mijë euro nuk mund të mbulohet ky aktivitet pasi që karrocën nuk e keni vendosur. Fotografin e karrocës e kemi publikuar por nuk e kemi tregu emrin e karrocës që na duhet. U dasht me anulu (tenderin). Kanë harru me shkru emrin e karrocës që ju duhet (Autoritetit Kontraktues – Reparti i Gjinekologjise) Kur më kanë thirrë operatorët më kanë thënë ne po e shohim që është karrocë por emri nuk është”, bëri të ditur UD menaxheri i prokurimit për Gazetën Shneta.
Ai tutje sqaron se pas kësaj ka shkuar në repartin e Gjinekologjisë në Spitalin e Ferizajt dhe u ka treguar se emri i karrocës nuk është shkruar, dhe pastja është anuluar për të ripahur përsëri më 1 gusht.
Në tenderin e rihapur është vendosur emri i karrocës transportuese dhe sipas Malsiut, çmimi i parashikuar i kontratës është rritur.
Në tenderin e parë kontrata ka qenë e parashikuar deri në 9 mijë e 900 euro ndërsa tash, pas vendosjes së emrit të karrocës transportuese, çmimi i kontratës parashikohet të jetë në vlerë deri në 13 mijë e 500 euro.
Tenderi është i hapur deri më nëntë gusht 2022. /Gazeta Shneta/