Spitali i Përgjithshëm i Gjakovës ka bërë të ditur se raportin e punës te vitit 2025 sa i përket Repartit të Gjinekologjisë.
Sipas njoftimit të spitalit, gjatë kësaj periudhe janë realizuar gjithsej 1 mijë e 539 lindje, nga të cilat kanë ardhur në jetë 1 mijë e 550 foshnje.
Prej tyre, 1 mijë e 27 lindje kanë qenë normale, ndërsa 512 janë kryer me prerje cezariane. Po ashtu, gjatë vitit janë kryer edhe 121 operacione të ndryshme gjinekologjike.
Spitali i Gjakovës ka njoftuar se Reparti i Gjinekologjisë ka regjistruar 3 mijë e 742 pranime dhe 5 mijë e 674 vizita, çka dëshmon për qarkullim të vazhdueshëm të pacienteve.
Gjatë kësaj periudhe, 59 raste janë referuar për trajtim të mëtejshëm në Qendrën Klinike Universitare të Kosovës (QKUK) në Prishtinë.
Në njoftim thuhet se gjatë vitit janë realizuar 218 transfuzione gjaku, kryesisht në raste me komplikime, si dhe 612 procedura dhe trajtime për patologji të ndryshme gjinekologjike, të cilat përfshijnë ndërhyrje diagnostike dhe terapeutike.