Ushtrimet fizike njihen gjerësisht për përfitimet që sjellin në shëndetin e zemrës, por studime të reja sugjerojnë se ato mund të luajnë rol edhe në parandalimin dhe ngadalësimin e zhvillimit të kancerit.
Një studim i fundit nga Universiteti i Newcastle ka zbuluar se vetëm 10–12 minuta ushtrime intensive mund të ndikojnë në ngadalësimin e rritjes së qelizave të kancerit kolorektal, shkruan burimi Medical News Today transmeton Gazeta Shneta.
Studiuesit analizuan efektet e aktivitetit fizik në nivel molekular, duke u bazuar në prova të mëparshme që sugjeronin se ushtrimet ofrojnë mbrojtje kundër disa llojeve të kancerit.
Një nga gjetjet kryesore ishte se edhe një seancë e vetme ushtrimesh intensive mund të përmirësojë aftësinë e trupit për të riparuar dëmtimet e ADN-së, një faktor i rëndësishëm në zhvillimin e kancerit.
Në studim morën pjesë 30 të rritur të moshës 50–78 vjeç, të cilët ishin mbipeshë ose obezë, por përndryshe të shëndetshëm.
Sipas autorëve, njerëzit me obezitet dhe pacientët me kancer shfaqin reagime të ngjashme molekulare ndaj ushtrimeve, çka i bën këto grupe të rëndësishme për studim.
Mostrat e gjakut u morën para dhe pas ushtrimeve dhe u testuan mbi qeliza kancerogjene në laborator.
Rezultatet treguan se serumi i gjakut pas aktivitetit fizik ndikoi në ndryshimin e aktivitetit të mbi 1,300 gjeneve të lidhura me rritjen dhe riparimin qelizor.
Ushtrimi konsistonte në një seancë të shkurtër biçiklete me intensitet të lartë, ku rezistenca rritej gradualisht deri në përpjekje maksimale.
Megjithëse studimi nuk tregon se ushtrimet shërojnë kancerin, por ndihmon në shpjegimin e mekanizmave përmes të cilëve aktiviteti fizik mund të kontribuojë në mbrojtjen ndaj kancerit kolorektal.
Gjetjet u publikuan në “International Journal of Cancer”. /Gazeta Shneta/