Shumë njerëz kanë përjetuar rënie të flokëve pas rikuperimit nga COVID-19 për shkak të një gjendjeje të shkaktuar nga stresi të ashtuquajtur telogen effluvium.
Ky lloj i rënies së flokëve ka prekur edhe personat që nuk janë infektuar me koronavirus, shkruan Very Well Health përcjell Gazeta Shneta.
Telogeni effluvium nuk është i përhershëm dhe flokët zakonisht do të rriten përsëri për sa kohë që nivelet e stresit reduktohen.
Meredith McGraw, vuri re se fillimisht se flokët e saj po rralloheshin në mënyrë dramatike në muajin mars, rreth tre muaj pasi u diagnostikua me COVID-19.
Rënia e flokëve nuk ndodhi gradualisht ose në mënyrë delikate; ishte e papritur dhe alarmante. McGraw tha se ishte thellësisht e shqetësuar nga “grupet dhe grumbujt” e “flokëve të thatë, të ngatërruar si kashtë” që po i binin nga skalpi i saj.
“Po më humbisnin tonelata flokësh dhe ato po binin menjëherë, duke u ngatërruar në nyje me flokët e ngjitur ndërsa flija ose laja flokët,” tha ajo për Verywell. “Qaja shpesh dhe u ndjeva e pashpresë. Isha e tmerruar nga njerëzit që më shihnin me këto flokë.”
McGraw nuk ishte e vetme në këtë betejë. Një studim zbuloi se në mesin e pacientëve që ishin shtruar në spital me COVID, 22% kishin të bënin me rënien e flokëve muaj pas daljes nga spitali.
Në verë, Instituti i Trikologëve (IoT) në Mbretërinë e Bashkuar anketoi anëtarët e tyre dhe zbuloi se 79% thanë se kishin parë raste të “rënies së flokëve pas kalimit të sëmundjes COVID” në klinikat e tyre, raportoi The Guardian.
Çfarë saktësisht po i bën pacientët me COVID-19 të humbasin flokët e tyre?
Përgjigja nuk është plotësisht e drejtpërdrejtë, por ekspertët thonë se ka të ngjarë të ketë më shumë të bëjë me stresin që vjen nga kontraktimi i virusit sesa vetë sëmundja.
“Ka shumë arsye pse njerëzit përjetojnë rënie të flokëve dhe stresi është një prej tyre,” tha Meg Mill, doktoreshë e farmacisë dhe praktikuese e mjekësisë funksionale, për Verywell.
Telogen effluvium, termi klinik për humbjen e flokëve të lidhur me stresin, zakonisht ndodh rreth tre muaj pas një ngjarjeje stresuese, tha Dr. Mill.
Ajo shtoi se njerëzit mund të përjetojnë rënie të flokëve pas lindjes së fëmijës ose pas një operacioni të madh, dhe praktikuesit shëndetësorë po shohin të njëjtat rezultate pas infeksionit COVID-19 në disa njerëz. Nivelet e theksuara të stresit mund të prishin ciklin natyror të rritjes së flokëve dhe të çojnë në rënie të tepërt dhe humbje të flokëve. /Gazeta Shneta/