Studenti 23-vjeçar Art Ramadani ndërroi jetë në një aksident, ku bashkë me të në veturë ishte edhe vëllai i tij Agoni.
Studenti i Fakultetit të Mjekësisë Art Ramadani ndërroi jetë në moshën 23-vjeçare në një aksident të komunikacionit në Prizren, shkruan Gazeta Shneta.
Bashkë me të ndjerin në veturë ishte edhe vëllai i tij Agoni, i cili ka pësuar lëndime të rënda dhe po trajtohet në Spitalin e Prizrenit.
Rastin e ka konfirmuar edhe Policia e Kosovës në raportin 24-orësh, ku ka njoftuar se vetura në të cilën ndodheshin dy vëllezërit është vetaksidentuar.
“Ka ndodhë një aksident trafiku derisa ngasësi mashkull kosovar, dyshohet duke ngasur veturën në mënyrë të pa kontrolluar del jashtë rruge duke u rrokullisur ka goditur një mur. Si pasojë e aksidentit pasagjeri mashkull kosovar ka pësuar lëndime të rënda trupore dhe ka ndërruar jetë. Poashtu edhe ngasësi ka pësuar lëndime të rënda trupore dhe është duke u trajtuar në spitalin rajonal”, thuhet në njoftimin e Policisë.
Ndërkohë familja ka njoftuar se varrimi i studentit të ndjerë do të bëhet sot në fshatin Lubizhdë në ora 16:30. /Gazeta Shneta/