Një studim i ri nga University College London (UCL) ka zbuluar se edhe pse cikli menstrual ndikon në shpejtësinë e reagimit dhe funksionet njohëse të grave, aktiviteti fizik ka ndikim shumë më të madh në performancën e trurit.
Sipas hulumtimit të publikuar në revistën Sports Medicine–Open, gratë kishin reagime më të shpejta dhe më pak gabime gjatë ovulacionit — fazë në të cilën fertiliteti është në kulm, shkruan MedicalXpress transmeton Gazeta Shneta.
Megjithatë, ndryshimet midis grave aktive dhe joaktive ishin shumë më të theksuara.
Gratë që nuk ishin aktive kishin mesatarisht 70 milisekonda reagim më të ngadaltë dhe bënin tre herë më shumë gabime impulsive, pavarësisht fazës së ciklit menstrual.
Sipas autoreve të studimit, këto rezultate kanë rëndësi të veçantë për sportet e grave, ku edhe një vonesë prej 20 milisekondash mund të ndikojë në shmangien apo shkaktimin e një lëndimi.
“Cognitive performance ishte më e lartë gjatë ovulacionit, por diferenca mes aktiveve dhe joaktiveve ishte shumë më domethënëse. Rreth 70 milisekonda janë të mjaftueshme që truri të regjistrojë një stimul dhe të nisë reagimin — dhe kjo ka ndikim të madh në jetën e përditshme,”– tha Dr. Flaminia Ronca, autore kryesore nga UCL.
Në studim morën pjesë 54 gra të moshës 18–40 vjeç, të ndara në katër grupe sipas nivelit të aktivitetit fizik – nga ato që nuk ushtrojnë fare deri te sportistet elitare.
Rezultatet treguan gjithashtu se edhe pse shumë gra raportuan ndjesi lodhjeje gjatë menstruacioneve, performanca njohëse nuk u ndikua negativisht, përkundrazi, reagimet ishin më të shpejta sesa në fazën e mesme luteale.
“Ky është një mesazh pozitiv për shëndetin e grave. Edhe 15 minuta aktivitet të moderuar në ditë — si një ecje e shpejtë apo çiklizëm — mjafton për të përmirësuar disponimin dhe funksionet e trurit,”– shtoi Dr. Ronca./Gazeta Shneta/