Një studim i Universitetit të Utah ka zbuluar arsyet pse disa pacientë që posedojnë kartelë për përdorim të kanabisit mjekësor zgjedhin produkte të palicencuara, duke rrezikuar shëndetin e tyre.
Hulumtimi, i publikuar në Journal of Cannabis Research, përfshiu mbi 200 pacientë dhe tregoi se kostoja e lartë e produkteve të ligjshme është pengesa kryesore.
Përballë kushteve kronike si dhimbja e vazhdueshme apo PTSD, pacientët shpesh përballen me vështirësi ekonomike, duke i shtyrë të përdorin kanabis të lirë, por të parregulluar, shkruan MedicalXpress transmeton Gazeta Shneta.
Këto produkte shpesh përmbajnë nivele të paparashikueshme të CBD/THC dhe ndotës të rrezikshëm si myk, pesticide apo metale të rënda.
Studimi po ashtu tregoi se informacioni cilësor bën diferencë: pacientët që u informuan përmes faqes zyrtare të shtetit kishin më shumë gjasa të përdornin produkte të sigurta e të licencuara.
Autorët theksojnë se për të rritur sigurinë, duhen ulur barrierat ekonomike dhe administrative, si p.sh. kostoja e rinovimit të kartelës së kanabisit, si dhe shpërndarja e informacionit të paanshëm për pacientët./Gazeta Shneta/