Një studim i ri i publikuar në Nature Communications nga Qendra për Shëndetin Riprodhues në Universitetin e Edinburgut ka zbuluar se long COVID shoqërohet me gjakderdhje jonormale të mitrës dhe ndryshime të simptomave sipas fazave të ciklit menstrual.
Sipas hulumtimit, gratë me long COVID raportuan fluks menstrual më të rëndë, periudha më të gjata se tetë ditë, më shumë gjakderdhje ndërmenstruale, si edhe më shumë raste të mungesës apo ndalimit të menstruacioneve.
Megjithatë, funksioni ovarian nuk rezultoi i dëmtuar.
Analizat treguan se simptomat e long COVID përkeqësoheshin në fazën sekretoare të vonshme dhe gjatë menstruacioneve, ndërsa u identifikuan ndryshime në rregullimin hormonal dhe inflamacionin periferik e endometrial.
Shkencëtarët vunë re nivele më të larta të disa hormoneve dhe të faktorëve inflamatorë, si edhe ndryshime në praninë e receptorëve të androgjenit në endometër.
Studiuesit theksojnë se gjakderdhja e tepërt menstruale është një problem i zakonshëm edhe para pandemisë, me kosto të mëdha shëndetësore dhe ekonomike.
Ata rekomandojnë që trajtimet për long COVID të marrin parasysh ndikimin në ciklin menstrual dhe fazat e tij, duke theksuar nevojën për qasje të synuara mjekësore për gratë e prekura./Gazeta Shneta/