Obeziteti mund të përshpejtojë përparimin e sëmundjes së Alzheimerit, tregojnë të dhënat e një studimi të ri të prezantuar në takimin vjetor të Shoqatës Radiologjike të Amerikës së Veriut.
Sipas hulumtimit, biomarkuesit e gjakut të lidhur me Alzheimerin – përfshirë proteinat tau dhe NfL – janë rritur dukshëm më shpejt tek personat me obezitet krahasuar me ata pa obezitet.
Në disa raste, rritja e proteinës tau ka qenë deri në 95% më e shpejtë, shkruan HealthDay transmeton Gazeta Shneta.
Studiuesit, të cilët analizuan të dhënat pesëvjeçare të më shumë se 400 pacientëve, thonë se këto gjetje sugjerojnë se obeziteti mund të ndikojë drejtpërdrejt në përshpejtimin e proceseve biologjike që lidhen me Alzheimerin.
Po ashtu, testet e gjakut rezultuan më të ndjeshme se skanimet PET në vlerësimin e këtij ndikimi, duke u konsideruar një mjet i rëndësishëm për monitorimin e pacientëve.
Sipas studiuesve, duke qenë se obeziteti është një faktor i ndryshueshëm i rrezikut, adresimi i tij mund të ndihmojë në zvogëlimin ose vonimin e zhvillimit të Alzheimerit. Gjetjet mbeten paraprake deri në publikimin në një revistë shkencore./Gazeta Shneta/