Një studim i ri i publikuar në revistën PLOS Medicine nga studiues të Universitetit të Indianas ka gjetur se përdorimi i opioideve të përshkruara gjatë shtatzënisë nuk lidhet drejtpërdrejt me rritje të rrezikut për çrregullime neurozhvillimore si autizmi dhe ADHD.
Hulumtimi ka përfshirë mbi 1.2 milion fëmijë të lindur në Suedi mes viteve 2007–2018 për autizmin dhe mbi 900 mijë fëmijë për ADHD.
Fillimisht, fëmijët e ekspozuar ndaj dozave të ulëta dhe të larta të opioideve dukeshin se kishin përqindje më të lartë diagnozash krahasuar me ata të paekspozuar.
Megjithatë, kur u morën parasysh faktorët gjenetikë dhe mjedisorë, kjo lidhje u zhduk.
Autorët theksojnë se studimi nuk ka përfshirë rastet me doza shumë të larta e përdorim afatgjatë, por rezultatet ofrojnë siguri se ekspozimi tipik i përshkruar në shtatzëni nuk rrit dukshëm rrezikun për autizëm apo ADHD.
Studiuesit theksuan rëndësinë e balancimit mes menaxhimit të dhimbjes dhe kujdesit për zhvillimin e fëmijës, duke sugjeruar ofrimin e mbështetjes psikosociale dhe opsioneve të tjera të trajtimit për gratë shtatzëna./Gazeta Shneta/