Një studim i ri nga Universiteti i Sidnejit ka zbuluar se shëndeti i dobët oral është i lidhur ndjeshëm me shpeshtësinë më të lartë të migrenave, dhimbjeve të trupit dhe dhimbjeve të barkut tek gratë.
Hulumtimi shqyrtoi lidhjet midis shëndetit oral të raportuar nga vetë pjesëmarrësit, mikrobiomës orale dhe dhimbjeve të ndryshme në një grup grash të Zelandës së Re me dhe pa fibromialgji.
Studimi përdori një seri instrumentesh të validuar, duke përfshirë pyetësorin e Shëndetit Oral të OBSH-së dhe indekse për dhimbjet e trupit, migrenat dhe dhimbjet e barkut, shkruan MedicalExpress transmeton Gazeta Shneta.
Gjetjet treguan se gratë me shëndet oral më të dobët kishin më shumë mundësi të vuajnë nga dhimbje të trupit dhe migrena.
Më shumë se 60% e atyre që kishin shëndet oral të dobët kishin më shumë mundësi të përjetonin dhimbje të moderuara deri në të rënda, dhe 49% kishin më shumë mundësi të kishin migrena. Shëndeti i dobët oral ishte gjithashtu një parashikues i rëndësishëm për migrenat kronike.
Studiuesit zbuluan gjithashtu një lidhje mes disa llojeve të mikroorganizmave në gojë dhe dhimbjeve, dhe vërejtën një lidhje të dobët por të rëndësishme midis cilësisë së dietës dhe shëndetit oral.
Ky studim thekson rëndësinë e kujdesit të rregullt oral, duke rekomanduar vizita të rregullta te dentistët dhe higjienë orale të mirë për të parandaluar dhimbjet dhe migrenat./Gazeta Shneta/