Një studim i ri nga Shkolla e Shëndetit Publik në Universitetin e Pittsburgh-ut ka zbuluar se vaksina sezonale kundër gripit jo vetëm që mbron individët e vaksinuar, por ndihmon edhe në mbrojtjen e atyre që nuk janë vaksinuar.
Përmes një simulimi me më shumë se 1.2 milion individë, studiuesit treguan se vaksina parandalon 33% deri në 41% të rasteve të infeksionit, madje edhe në mesin e personave që nuk janë vaksinuar.
Kjo ndodh falë imunitetit të tufës, që ul përhapjen e virusit në komunitet, shkruan MedicalXpress transmeton Gazeta Shneta.
Kur transmetueshmëria e virusit ishte e ulët dhe efektiviteti i vaksinës i lartë, parandalimi i rasteve arrinte deri në 70%. Por në situata të ngjashme me pandemi, kur virusi përhapet shumë shpejt, mbrojtja indirekte zhduket dhe të vetmit që mbrohen janë të vaksinuarit.
Autorët theksojnë se vaksina mbetet mënyra më e sigurt dhe më efektive për të parandaluar gripin, veçanërisht për ata që nuk mund të vaksinohen, si foshnjat nën 6 muaj apo personat me alergji ndaj vaksinës./Gazeta Shneta/