Një organizatë joqeveritare franceze ka identifikuar gjashtë lloje plastike në pijet e gazuara Coca-Cola dhe Schweppes, sipas një raporti.
Organizata Agir pour l’Environnement (Akti për Mjedisin), ka përdorur dy laboratorë për të analizuar praninë e mundshme të nano dhe mikrogrimcave plastike, duke simuluar hapje të shisheve një herë, dhjetë herë dhe njëzet herë për të imituar përdorimin real, raporton Euronews Health përcjell Gazeta Shneta.
Analizat zbuluan gjashtë polimere të ndryshme plastike, ndërkohë që prodhuesit e shisheve deklarojnë vetëm dy: polietileni (PE) për kapakun dhe PET për trupin e shishes. Organizata e konsideroi këtë rezultat si “të habitshëm”.
Pas hapjes së parë të shisheve, u identifikuan katër mikrogrimca për një litër Coca-Cola dhe 4.6 mikrogrimca për një litër Schweppes. Pas 20 hapjeve, numri i mikrogrimcave u rrit ndjeshëm: 46 për një litër Coca-Cola dhe 62 për një litër Schweppes.
Studiuesit sugjerojnë se kjo mund të lidhet me degradimin e kapakut plastik, i cili lëshon më shumë grimca gjatë përdorimit të përsëritur.
Edhe pse efektet e mundshme të ekspozimit ndaj mikroplastikës në shëndetin e njeriut janë ende duke u studiuar, ky zbulim shton shqetësimet mbi ndikimin e tyre afatgjatë dhe thekson nevojën për monitorim të kujdesshëm të materialeve plastike në kontakt me ushqimin dhe pijet. /Gazeta Shneta/