Një studim i fundit ka nxjerrë në pah sfidat e përditshme të personave që vuajnë nga hipersomnia idiopatike (IH), një çrregullim neurologjik kronik që shkakton lodhje ekstreme gjatë ditës edhe pas një nate të plotë gjumi.
Studimi analizoi postime, bloge dhe video online të pacientëve dhe zbuloi se shumë prej tyre nuk ndihen kurrë plotësisht të zgjuar, shpesh përjetojnë “sjellje automatike” dhe kanë energji fizike të kufizuar, shkruan MedicalXpress transmeton Gazeta Shneta.
Hipersomnia idiopatike ndikon jo vetëm në shëndetin fizik, por edhe në raportet personale, aktivitetet ditore dhe mirëqenien mendore, duke krijuar një ngarkesë emocionale të madhe.
Një pjesëmarrës përshkroi përvojën e tij: “Falë terapistit tim dhe vullnetit tim të madh, kam mësuar të përballem me IH sa për të dashur të vazhdoj të jetoj.”
Sipas studiuesve, kuptimi i përvojave të pacientëve mund të përmirësojë kujdesin mjekësor, zhvillimin e medikamenteve dhe ndërgjegjësimin mbi këtë çrregullim të rrallë. Studimi u publikua në revistën PLOS One./Gazeta Shneta/