Shumë njerëz përjetojnë ndjenjën e njohur si “Sunday Scaries”, ankthin që shfaqet në fundjavë para rikthimit në punë.
Studimet tregojnë se fenomeni është shumë i përhapur: sipas American Academy of Sleep Medicine, 80% e amerikanëve kanë vështirësi të flenë të dielave, ndërsa në Britani 67% e të rriturve ndjejnë ankth para fillimit të javës së punës.
Hulumtimet tregojnë se ndjenja nuk lidhet vetëm me pakënaqësinë në punë – edhe personat që e duan profesionin e tyre mund të përjetojnë të njëjtën gjë, shkruan Euronews transmeton Gazeta Shneta.
Shkaktarët kryesorë janë stresi i punës, listat e ngarkuara të detyrave, mungesa e gjumit dhe pasiguria për javën që vjen. Tek të rinjtë, sidomos grupmosha 18-24 vjeç, kjo gjendje është edhe më e shpeshtë.
Pasojat nuk janë vetëm psikologjike: një studim i vitit 2025 tregoi se ankthi i së hënës lidhet me rritje të nivelit të kortizolit me 23%, çka ndikon në shëndetin mendor dhe kardiovaskular.
Ekspertët sugjerojnë strategji praktike për ta përballuar: planifikimi i aktiviteteve sociale të dielën, kufizimi i email-eve të fundjavës nga menaxherët, zhvendosja e mbledhjeve nga e hëna në të martën, si dhe krijimi i zakoneve të vogla përgatitore si përgatitja e ushqimit ose rrobave.
Megjithëse për disa kjo gjendje mbetet pjesë e pashmangshme e jetës profesionale, specialistët theksojnë se kuptimi i saj si kombinim i psikologjisë, biologjisë dhe kulturës së punës është hapi i parë drejt menaxhimit më të mirë – dhe rikthimit të së dielës si ditë pushimi të vërtetë./Gazeta Shneta/