Një kompani farmaceutike japoneze po heton 80 vdekje të lidhura me një suplement dietik të saj.
Kjo është një rritje tronditëse nga pesë vdekje që kompania japoneze, Kobayashi Pharmaceutical, raportoi në muajin mars, sipas burimit New York Times.
CholesteHelp quhet emri i suplementit i cili ka në përmbajtje majën e orizit të kuq. Ky suplement ka për qëllim të ndihmojë në uljen e niveleve të kolesterolit, shkruan burimi Health News përcjell Gazeta Shneta.
Zyrtarët e qeverisë japoneze thanë se suplementi u zbulua se përmban acid puberulik, një përbërës shumë toksik që rrjedh nga myku i kaltërt.
Që nga marsi, 1,656 njerëz kanë kërkuar këshilla mjekësore për shqetësimet shëndetësore të lidhura me suplementet, dhe 289 persona janë shtruar në spital, sipas Kobayashi Pharmaceutical.
Ministri japonez i shëndetësisë Keizo Takemi tha se ishte “jashtëzakonisht për të ardhur keq” që Kobayashi Pharmaceutical nuk e kishte informuar ministrinë më herët për numrin në rritje të vdekjeve dhe u zotua se qeveria do të përfshihej më shumë në hetim./Gazeta Shneta/