Femrat për nga natyra janë më të ndjeshme dhe më të buta po të krahasohen me natyrën mashkullore.
Ato preken nga gjërat më të vogëla; nga një film romatik e deri edhe një reklamë mund t’i bëjë të përjetojnë një fluks ndjenjash, transmeton GazetaShneta.
Dhe kjo dukuri nuk duhet vënë në peshore se a është negative apo pozitive. Ndjeshmëria e grave nuk është tematikë që duhet paragjykuar apo të tentohet të ndërrohet.
Kjo ndjeshmëri rritet edhe më shumë gjatë kohës kur gratë mbesin shtatzënë. Për shkak se niveli i hormoneve rritet dhe ndyrshon çdo minut, gratë vihen në një humor të ndryshueshëm. E kjo luhatje në disponm mund të sjellë edhe ca lot tepër, përcjellë “HealthLine”.
Shumë studime mbrojnë tezën se vaji është një mënyrë e mirë për t’u shliruar nga emocione negative të akumuluara brenda prej kohësh.
Një e qarë e tillë ndihmon nënën shtatzënë ndërsa nuk ndikon shumë tek fetusi.
Por ajo që duhet patur shumë kujdes është humori i ulët për shkak të depresionit. Gjatë shtatzënisë nënat përjetojnë shumë ndryshime fizike por edhe mentale. Në këto raste nënat mund të ndjejnë shumë presion dhe të duan të shlirohen përmes të qarave.
Në këto raste duhet kujdesur për foshnjen që po zhvillohet në bark sepse ato arrijnë të marrin cdo ndjesi, qoftë e këndshme apo e hidhur nga nëna. Nëse nënat janë në gjendje depressive atëherë edhe fetusi do të ndikohet, dhe mund të lind me trauma psikike.
Andaj grave u bëhet apel që të kërkojnë ndihme hapur nga partneri, familja ose nga ndonjë profesionist I kësaj fushe.
Është me rëndësi që të mos trashëgohet dhimbja tek një fëmijë që do të jetë trashëgimtar I juaji për një gjeneratë të re dhe të lumtur. /GazetaShneta/