Një foshnje e porsalindur me një sëmundje metabolike të rrallë mori trajtim me teknologjinë CRISPR gene editing, duke korrigjuar mutacionin gjenetik që pengonte metabolizmin normal. Pa ndërhyrje, gjendja e foshnjës mund të kishte qenë fatale, pasi organizmi nuk mund të përpunonte disa substanca kritike për funksionet jetësore.
Trajtimi ishte plotësisht i personalizuar, duke targetuar mutacionin specifik të pacientit. Pas aplikimit, foshnja tregoi përmirësime të dukshme në metabolizëm, nivelet e energjisë dhe zhvillimin e përgjithshëm, duke u dhënë familjes një shpresë të re për të ardhmen, shkruan Future, transmeton Gazeta Shneta.
Ky rast tregon potencialin e mjekësisë gjenetike të personalizuar për trajtimin e sëmundjeve që dikur konsideroheshin të pashërueshme. Ekspertët shprehin se teknologjia CRISPR mund të transformojë trajtimin e sëmundjeve të rralla tek fëmijët, duke ofruar shanse për jetë më të gjatë dhe më të shëndetshme.
Megjithatë, studiuesit paralajmërojnë se efektet afatgjata ende nuk janë të njohura plotësisht, dhe duhet të bëhen monitorime të kujdesshme për komplikime të mundshme gjatë rritjes së foshnjës. /Gazeta Shneta/