Një studim i ri nga Samsung Medical Center në Korenë e Jugut ka zbuluar se gratë që kanë mbijetuar nga kanceri i gjirit dhe janë trajtuar me terapi rrezatimi kanë një rrezik më të ulët për zhvillimin e sëmundjes Alzheimer.
Sipas të dhënave nga rreth 70,000 gra të diagnostikuara me kancer gjiri dhe krahasuar me një grup kontrolli prej 180,000 grave të shëndetshme, studiuesit konstatuan një ulje me 8% të rrezikut për Alzheimer te gratë që kishin marrë terapi rrezatimi, shkruan burimi Medical News Today transmeton Gazeta Shneta.
Terapia me rrezatim përdoret shpesh në trajtimin e kancerit të gjirit – rreth 70% e pacienteve e marrin këtë formë trajtimi.
Megjithëse rrezatimi mund të shkaktojë efekte anësore si lodhje dhe probleme njohëse, ky studim sugjeron se në afat të shkurtër, mund të ketë një efekt mbrojtës ndaj Alzheimerit.
Gjatë ndjekjes mesatare prej 7 vitesh, 1,229 gra në grupin e kancerit u diagnostikuan me Alzheimer.
Studiuesit vunë re se ulja e rrezikut ishte më e dukshme te gratë që kishin marrë rrezatim, ndërsa trajtime të tjera si kimioterapia dhe hormonterapia nuk treguan ndonjë ndikim të veçantë në rrezikun për Alzheimer.
Megjithatë, studiuesit paralajmërojnë se ky efekt mbrojtës ishte i përkohshëm dhe mund të zhduket me kalimin e viteve. Ata theksojnë nevojën për kërkime afatgjata për të kuptuar më mirë lidhjen midis trajtimeve për kancerin e gjirit dhe rrezikut për Alzheimer. /Gazeta Shneta/