Ushqimi që më së shumti kontestohet në menynë e fëmijëve është tërshëra.
Gjithsesi, ekzistojnë disa arsye pro dhe kundër përdorimit të saj.
Arsyet pro:
- Është e pasur me vitamina dhe minerale (mangan, fosfor, hekur, magnez, zink, vitaminë B1…)
- Përmban sasi të konsiderueshme fibrash (rreth 11 gr për 100 gr-tre herë më shumë se çdo drithë tjetër ) ç’ka ndihmon në parandalimin e sëmundjeve të zemrës, rritjes së kolesterolit dhe shfaqjes së diabetit.
- Jep ndjesi ngopjeje dhe si e tillë konsiderohet ushqim i përshtatshëm për dieta dobësimi.
Por duke u kthyer në debatin aktual del se dhe dy nga pikat e listuara si pozitive në fakt nuk vlejnë si të tilla në rastin e fëmijëve dhe madje konsiderohen kundër pikërisht për këto arsye:
- Pika 3: Përmbajtja e lartë e fibrave nuk është e rekomanduar tek fëmijët e vegjël të cilët kanë lëvizshmëri të shtuar të zorrës (motilitet të shtuar intestinal) dhe sasi modeste të mikroflores intestinale çka çon në episode të shpeshta të diarresë .
Sipas OBSH, infeksionet respiratore akute (IRA) dhe diarrhea janë ndër shkaqet kryesorë të sëmundshmerisë dhe vdekshmërisë feminore nën 5 vjeç.
- Pika 4: A kanë të gjithë fëmijët nevojë të konsumojnë ushqime që i ngopin më shpejt? A kanë nevojë të dobësohen?
Arsyet kundër:
- Ashtu si shumë ushqime të tjera në tregun ushqimor shqiptar nuk ka garanci për cilësinë e tyre
- Acidi fitik që përmban tërshëra mund të pengojë trupin të përthithë vitaminat dhe mineralet që përmban vetë tërshëra si ushqim.
- Sasitë e përqëndruara të fitateve shkaktojnë parehati dhe irritim të traktit gastro-intestinal.
- Kur tërshëra nuk shoqërohet me ushqime që përmbajnë yndyrë (gjalpë,qumësht etj) vlerat ushqimore të saj bëhen të vështira për t’u absorbuar duke e bërë ushqim “bosh” (në menunë e re të çerdheve ka tërshërë të shtuar me ujë dhe jo qumësht apo kos !)
Arsyet vazhdojnë edhe më tej , të argumentuara shkencërisht nga mjekë nutricioniste por jo vetëm.
Pikërisht për këtë do të ishte e udhës që paraprakisht të bëheshin dëgjesa publike dhe konsultime më shumë specialiste të fushës.
/PHD. MD. Albana DAKA/