Një test i ri i urinës mund t’i ndihmojë mjekët të kontrollojnë më lehtë për kancerin e qafës së mitrës, raportojnë studiuesit.
Testi kërkon për proteinat e zhvilluara nga një lloj i human papillomavirusit që shkakton kancer, HPV 16, shkruan burimi Health Day përcjell Gazeta Shneta.
Sipas Institutit Kombëtar të Kancerit, shtamet HPV 16 dhe 18 janë përgjegjës për pothuajse të gjitha kanceret e qafës së mitrës.
Këto proteina, të quajtura proteina E7, janë të lidhura me një rrezik të lartë të kancerit të qafës së mitrës.
“Testi ynë i ri i urinës mund të zbulojë proteinat HPV16 E7, të cilat janë shënues kritik të rrezikut të kancerit të qafës së mitrës, në nivele jashtëzakonisht të ulëta,” tha studiuesi kryesor Etsuro Ito, profesor i biologjisë në Universitetin Waseda në Japoni.
Testi zbuloi proteinat E7 në 80% të grave me neoplazi intraepiteliale të qafës së mitrës (CIN) në stadin 1, një pararendës i kancerit të qafës së mitrës.
Gjithashtu testi i urines gjeti proteinat në 71% të grave me neoplazi intraepiteliale të qafës së mitrës të stadit 2 dhe 38% të grave me neoplazi të stadit 3, tregojnë rezultatet.
“Ne besojmë se onkoproteina E7 është kritike në fazat e hershme të kancerogjenezës së qafës së mitrës të lidhur me HPV dhe E7 mund të luajë një rol më domethënës në përparimin e CIN1 dhe CIN2 sesa në CIN3,” tha profesor Ito.
Disponueshmëria e një testi të thjeshtë të urinës mund të ndihmojë përpjekjet për të çrrënjosur kancerin e qafës së mitrës duke eliminuar barrierat që lidhen me shqyrtimin, thanë studiuesit.
Studimi është publikuar së fundmi në revistën “Microorganisms”. /Gazeta Shneta/