Testimi i virgjërisë pritet të bëhet vepër penale, personat të cilët e bëjnë një gjë të tillë mund të dënohen me burgim.
Këtë e ka bërë të ditur, Ministrja e Drejtësisë, Albulena Haxhiu, pas miratimit të Projektligjit për ndryshimit e Kodit Penal në Kosovë.
Ajo ka bërë të ditur se me këtë plotësim- ndryshim të projektligjit është ndryshuar Kodi Penal ndaj atyre që shpallen fajtorë për dhunim seksual dhe dhunë në familje, ndërsa testimi i virgjërisë pritet të bëhet vepër penale.
“VEPËR E RE PENALE nga sot: Penalizohet testimi i virgjërisë”, ka njoftuar ministrja, ndërsa ka renditur dënimet plotësuese për personat e shpallur fajtor për dhunë seksuale dhe dhunë në familje.
Sipas Haxhiut, personat të cilët shpallen fajtor për dhunë seksuale dhe dhunë në familjae do t’i ndalohet kandidimi në çdo pozitë publike në nivel lokal dhe qendror, ndalimi i punësimit në institucione publike në të gjitha nivelet, marrja e lejës së vozitjes e të gjitha kategorive, ndalimin e blerjes në ankande publike dhe shërbime tjera, si dhe ndalimi i aplikimit si investitor strategjik dhe privilegje tjera nga legjislacioni.
Projektligjet pritet të shkojnë në Kuvend pas miratimit në Qeveri. /Gazeta Shneta/
