Recetat për Ozempic, Mounjaro dhe barna të tjerë agonistë të receptorit GLP-1 janë rritur ndjeshëm në vitet e fundit. Por, megjithëse këto barna përdoren për qëllime të ngjashme, njerëzit shpesh reagojnë në mënyra shumë të ndryshme ndaj tyre.
Problemet gastrointestinale, veçanërisht të përzierat, janë të zakonshme te njerëzit që marrin barna GLP-1, shkruan burimi Health transmeton Gazeta Shneta.
Megjithatë, ndonjëherë efektet anësore nga tirzepatidi (përbërësi aktiv në Zepbound dhe Mounjaro) apo semaglutidi (në Wegovy dhe Ozempic) mund t’i detyrojnë pacientët të ndërpresin barnat ose t’i zëvendësojnë me një tjetër.
Nuk ka shumë të dhëna për këtë çështje, por një studim i vitit 2024 nga studiuesit në Truveta zbuloi se, gjatë një periudhe pesëvjeçare, rreth 11% e përdoruesve të barnave GLP-1 kaluan nga një ilaç në një tjetër.
Raste të fundit nga figura publike e kanë vënë më shumë në qendër të vëmendjes këtë temë.
Në një video të postuar në Instagram në mars, komediania Amy Schumer foli për mënyrën si e kishte ndërruar semaglutidin me tirzepatidin dhe tani po përjeton rezultate më të mira.
“E provova Wegovy, dhe isha duke vjellë gjatë tërë kohës, nuk e përballoja dot. Nuk e di nëse e kanë ndryshuar formulën apo çfarë. Mounjaro ka qenë fantastik,” tha ajo. “Po përjetoj një eksperiencë shumë të mirë me të.”
Sipas ekspertëve të obezitetit, njerëzit mund të reagojnë ndryshe ndaj barnave GLP-1, dhe mënyra se si reagon trupi mund të varet nga vetë medikamenti dhe faktorë të ndryshëm, përfshirë moshën, gjininë dhe dietën ushqyese. /Gazeta Shneta/