Studiues nga Virginia Tech po zhvillojnë trajtime më precize për kancerin e trurit te fëmijët, duke synuar që të shkatërrojnë vetëm qelizat kancerogjene, ndërsa ruajnë indet e shëndetshme.
Ata janë fokusuar te glioblastoma pediatrike, një formë e rrallë dhe agresive e kancerit të trurit që ka pak opsione trajtimi dhe mbijetesë të ulët, shkruan MedicalXpress transmeton Gazeta Shneta.
Ekipi i udhëhequr nga biologja Kathleen Mulvaney po studion një proteinë të quajtur KAT6A, që luan rol në zhvillimin e këtij lloji të kancerit. Aktualisht nuk ekzistojnë barna që e synojnë vetëm KAT6A-n, por ata do të testojnë një përbërës eksperimental të quajtur Pf9363 që e bën këtë gjë në mënyrë selektive.
Për të rritur efikasitetin e trajtimit, studiuesit planifikojnë të përdorin ultratinguj me intensitet të ulët për të hapur përkohësisht barrierën gjak-tru, duke mundësuar kështu depërtimin më të mirë të barnave në tru.
Ky studim njëvjeçar mund të përmirësojë ndjeshëm trajtimin e gati gjysmës së fëmijëve me glioblastomë, veçanërisht atyre me ndryshime të caktuara gjenetike, dhe mund të hapë rrugën për prova klinike të reja në të ardhmen./Gazeta Shneta/