Shumë e dashur dhe e afërt me nënat e reja, mamia Razije Musa vazhdon t’ju qëndroj afër atyre në çdo shqetësim përgjatë rritjes së fëmijës.
Në faqen e saj zyrtare, mamia këtë herë ka ndarë disa sugjerime që çdo nënë apo familjarë duhet t’i marrë parasysh në momentin që bebi fillon të ecë, shkruan GazetaShneta.
Mësoni më shumë rreth komplikimeve gjatë shtatzënisë KËTU
Mamia thekson se bebet nuk e kanë një zhvillim të njejtë, andaj ajo rekomandon që në këto raste të mos bëhen krahasime mes zhvillimit të bebeve.
Ajo tregon se para se bebi t’i bëj hapat e parë, duhet të fitoj vetëbesimin edhe atë pa ndihmën e prindërve apo të familjarëve.
Më poshtë, mamia Razije Musa ka listuar tre nga gabimet që bëjnë prindërit.
“1. Qeshni me zë sa herë rrëzohet dhe këtë e përsëritni, a e dini se beba traumatizohet dhe kështu e humb vetëbesimin dhe e shtyen ecjen për më vonë.
2.Kur beba fillon me i hedh hapat e parë prindërit të entuziasmuar e kapin për dore, edhe kjo situatë shkakton traumë, është e panjohur për fëmijën.
3.Disa herë e kam theksuar vendosni një qarqafë të pastër në tokë dhe lejeni të luaj, lejeni të mbahet për divane e tavolina gjithmonë duke qenë afër por pa e penguar, lejoni fëmijën ta sforcoj veten dhe vetë të vlerësoj kur është gati të ec, pa duartrokitje e bërtima që e traumatizojnë.”, ka shkruar ajo./GazetaShneta/