Infektologu Dr. Valbon Krasniqi ka treguar gjendjen e pacientëve me Covid-19 në Klinikën Infektive.
Ai ka thënë se aktualisht gjenden të shtrirë 23 persona të prekur me koronavirus, ndërsa tre pacientë janë në gjendje të rëndë shëndetësore.
“Në Klinikën Infektive janë të shtrirë 23 pacientë me coronavirus, 15 prej tyre janë në gjendje stabile, pesë janë më oksigjenoterapi ndërsa tre pacientë në gjendje të rëndë, kujdes intensiv”, tha ai për telegrafin.
Krasniqi bëri apel që qytetarët të vazhdojnë me masa mbrojtëse ndaj COVID-19, të mos dalin nga shtëpia pa maska dhe të shmangin tubimet me shumë njerëz.
Deri tani në vendin tonë me coronavirus kanë rezultuar 1 mijë e 263 persona, 912 prej personave të infektuar janë shëruar ndërsa janë regjistruar edhe 31 raste të vdekjes të cilët kanë pasur sëmundje të tjera shoqëruese.
Ndryshe, Ministria e Shëndetësisë ka marrë vendime të reja rreth pandemisë COVID-19, ku ka hequr kufizimin e lëvizjes si dhe ka vendosur rregulla të reja për qytetarët që kthehen në Kosovë