Jetojmë në kohëra moderne! Shkrimet që arsyetojnë burrat që nuk ndihmojnë gratë e tyre në punët e shtëpisë dënohen shumë shpesh nga “aktivistët e internetit”.
Kështu ka ndodhur edhe në rastin e blogeres Holly Simon e cila para një jave ka bërë një shkrim të ngjashëm në profiling e saj në Facebook.
Ajo ka shkruar se nuk përton të kujdeset për rrëmujat që i lë pas bashkëshorti i saj. Ndër të tjera, ajo ka shkruar se këto gjëra e bëjnë të ndihet e sigurt pasi që ia dëshmojnë cdo ditë se ajo e ka një burrë që kthehet në shtëpi çdo ditë, përcjellë GazetaShneta.
Por postimi i Simon ka marrë mijëra reagime prej më të ndryshmeve. Ato që së pari bien në sy janë komentet negative që shumica e grave i kanë lënë.
“Pranoje, ti je duke e rritur një foshnje”, “Nuk besoj se e di që ti je duke vepruar si nëna e tij dhe jo si gruaja”, ishin disa nga përgjigjet që nuk pajtoheshin me shkrimin e saj.
E në anën tjetër kishte edhe gra që pajtoheshin plotësisht me fjalët e Hollyt.
“Me krenari pastroj shtëpinë. Ndihem me fat që jam nëna e një familje të shëndoshë”, thuhet në njërin nga këto komente.
Lexo postimin e plotë:
“Çdo ditë unë marr peshqirin që ai e var në shufrën e perdeve, e vendosi xhelin në vendin e duhur sepse ai gjithmonë e lë 5 metra më larg, i mbylli pothuajse të gjithë sirtarët nëpër shtëpi që i harroi hapur, i paloj të paktën 2 palë këpucë të hedhura dosido nëpër shtëpi. Për çdo ditë.
Si një grua e re (sidomos me foshnje të vogël dhe fëmijë tjerë) kjo sjellje shpesh më ka acaruar. “A nuk kam punë tjera çdo ditë dhe të kujdesem edhe për fëmijët!” Për shumë vite më janë ngritur nervat me këtë sjellje.
Por këto gjëra të vogla tregojnë praninë e tij në shtëpinë tonë. Po sikur të mos ishin aty çdo ditë? Çfarë tjetër do të mungonte në jetën tonë? Qeshja e tij, ngushëllimi i tij, udhëzimi i tij? Sa gra dhe fëmijë po e jetojnë atë trishtim të ashpër?.
Gjurma e shpërndarë e rutinës së tij të përditshme do të thotë që kam një burrë që vazhdon të vijë në shtëpi. Nuk po e bëj jetën e vetme. Unë nuk po i rris vajzat vetëm.
Dhe për këtë dua të shpreh mirënjohje, jo acarim. Nëse edhe ju jeni në të njejtën situatë thjeshtë merrni frymë, ky është një kurth i zakonshëm për ne. Dhe ka shumë gjasa që ndiheni të lodhura, e di. Kjo nuk është “barra juaj” është dhurata juaj. /GazetaShneta/
https://www.facebook.com/holly719/posts/10104389115419654