Njerëzit që pijnë tre deri në katër gota kafe në ditë, kanë më shumë gjasa të kanë përfitime shëndetësore sesa dëm, duke përjetuar rrezik më të ulët të vdekjes së parakohshme dhe sëmundjeve të zemrës sesa ata që abstenojnë të pinë, thanë shkencëtarët të mërkurën.
Një ekip që përmblodhi rezultatet e më shumë se 200 studimeve të mëparshme zbuloi se pirja e kafesë ishte e lidhur me rrezik më të ulët të diabetit, sëmundjes së mëlçisë dhe demantia-n, transmeton Gazeta Shneta
Tri ose katër gota në ditë japin përparësi më të madhe, thanë shkencëtarët, me përjashtim të grave që janë shtatzënë.
“Rishikimet Umbrella” sintetizojnë analizat e mëparshme të grumbulluara për të dhënë një përmbledhje më të qartë të hulumtimeve të ndryshme mbi një temë të caktuar.
“Pirja e kafesë duket e sigurt në modelet normale të konsumit”, përfundoi ekipi i Poole në hulumtimin e tyre, botuar në BMJ British Medical Journal të mërkurën vonë.
Pirja e kafesë ishte vazhdimisht e lidhur me rrezikun më të ulët të vdekjes nga të gjitha shkaqet dhe nga sëmundjet e zemrës.
Zvogëlimi më i madh në rrezikun relativ të vdekjes së parakohshme shihet tek njerëzit që konsumojnë tri gota në ditë, krahasuar me ata që nuk konsumojnë fare./Gazeta Shneta/