Ministri i Shëndetësisë Uran Ismaili së bashku me bashkëshorten e tij Arizona Berdynaj, kanë qenë sot në një intervistë në organizatën UNICEF.
Ismaili dhe Berdynaj kanë folur për përvojat e tyre me fëmijët, për vaksinimin, pastrimin e tyre, ushqyerjen dhe kujdesin në përgjithësi.
Nëna Arizona ka treguar se Urani nuk është përfshirë në ndërrimin e pelenave tek fëmijët, ndërsa e ka arsyetuar me angazhimet e tij të shumta në punë.
“Java e parë deri në javën e tretë është mjaft stresuese dhe sigurisht se e kam pasur përkrahjen dhe ndihmën e Uranit. Sa i përket pelenave Urani nuk është involvuar shumë. Nuk ua ka ndërruar, nuk e fajësoj në këtë aspekt sepse është traditë e jona që mendojna se ne si nëna i bëjmë të gjitha punët më së miri. Në fëmijën e dytë Urani ka qenë më i involvuar në pastrimin e tij”, ka thënë Arizona.
Ajo ka treguar se është bërë nënë për herë të parë në moshën 24-vjeçare dhe për kujdesin ndaj fëmijëve ka mësuar shumë nga motra e Uranit, Dr. Vlora Ismaili e cila është mjeke pediatre, e cila i ka ndihmuar me këshilla dhe vizita.
Urani dhe Arizona janë prindër të dy fëmijëve, djalit Omerit dhe vajza Uma. Gazeta Shneta/
