Më 4 dhjetor 2025, Shoqata Amerikane e Kancerit (ACS) publikoi përditësimet më të fundit të udhëzimeve për depistimin e kancerit të qafës së mitrës. Këto ndryshime vijnë në një kohë kur, sipas OBSH-së, ky kancer është i katërti më i zakonshëm tek gratë në mbarë botën, me rreth 660,000 raste të reja në vitin 2022, dhe parashikimet tregojnë një rritje prej gati 57% deri në vitin 2050.
Udhëzimet e reja rekomandojnë që gratë me rrezik mesatar të fillojnë depistimin në moshën 25 vjeç, një ndryshim nga udhëzimet e mëparshme.
Një risi e rëndësishme është mundësia e përdorimit të një mostre vetë-testuese të HPV-së, të miratuar nga FDA, i cili lejon gratë të marrin vetë mostrat në kushte të sigurta. Kjo qasje pritet të rrisë aksesin, sidomos për ata që kanë vështirësi të kryejnë kontrolla rutinë, shkruan burimi Medical News Today transmeton Gazeta Shneta.
Pap testi dhe testimi për HPV mbeten metoda thelbësore për zbulimin e hershëm të kancerit të qafës së mitrës. Variacionet e caktuara të HPV-së rrisin ndjeshëm rrezikun e zhvillimit të këtij kanceri — prandaj kombinimi i depistimit është i rëndësishëm.
ACS ka përditësuar gjithashtu udhëzimet për momentin kur gratë mund të ndalojnë depistimin. Sipas ndryshimeve, depistimi mund të ndërpritet në moshën 65 vjeç për gratë që kanë pasur rezultate të qëndrueshme normale dhe depistime të rregullta në vitet e fundit.
Udhëzimet e reja, të publikuara në revistën “CA: A Cancer Journal for Clinicians”, synojnë të rrisin saktësinë, aksesueshmërinë dhe parandalimin efektiv.
Ekspertët e obstetrikës dhe gjinekologjisë theksojnë se këto përditësime janë veçanërisht të rëndësishme për gratë cisgjinore, duke ndihmuar në mbrojtjen e shëndetit riprodhues dhe zbulimin sa më të hershëm të ndryshimeve prekanceroze. /Gazeta Shneta/