Pas pushtimit rus të Ukrainës, Yuriy Makeyev e gjeti veten të pastrehë dhe të papunë: një kombinim rrethanash që e sollën atë në prag të një krizë nervore.
Tani 48-vjeçari, i cili ka ikur nga shtëpia e tij e shkatërruar nga lufta, beson se mund të kthehet në jetën normale falë një kursi të veçantë rehabilitimi psikologjik që po kalon në një klinikë në Kiev, shkruan MedicalxPress përcjell Gazeta Shneta.
Të paktën 5,000 civilë janë vrarë dhe po aq janë plagosur që kur presidenti rus Vladimir Putin urdhëroi trupat e tij drejt luftës në Ukrainë më 24 shkurt, sipas shifrave të fundit të Kombeve të Bashkuara.
Por shumë të tjerë i kanë mbijetuar granatimeve shkatërruese në të gjithë vendin, duke shkaktuar plagë mendore dhe trauma psikologjike.
“Pasi shpërtheu lufta, unë mbeta pa shtëpi dhe pa punë njëkohësisht,” tha Makeyev, i cili punonte si redaktor në një gazetë me bazë në Kiev.
Pasi Rusia pushtoi Ukrainën, gazeta e Makeyev u mbyll dhe ai humbi punën.
Bujtina ku ai jetonte gjithashtu u mbyll dhe vështirësitë financiare bënë që ai nuk mund të përballonte të merrte me qira diku tjetër.
Redaktori Makeyev, rrëfeu historinë e tij ulur në një stol në oborrin e qetë të klinikës së rehabilitimit psikologjik të quajtur ‘Socioterapi’, për burimin AFP.
“Ka një numër të madh njerëzish me çrregullim post-traumatik”, thotë Denys Starkov, një psikolog në qendrën e krizës, e cila u hap muajin e kaluar.
“Ka kërkesë (për klinikën) nga shoqëria. Psikologët janë të mbingarkuar me klientë të tillë, kështu që lindi kjo ide,” tha Starkov për objektin.
Disa, si redaktori Makeyev, vijnë direkt në klinikë, të tjerë thërrasin një linjë ndihmëse dhe flasin me specialistë, të cilët përcaktojnë nëse janë të përshtatshëm për terapi.
Mjekimi është falas. Kursi përfshin 15 sesione tematike që synojnë të kuptojnë përvojën e dikujt të traumës dhe të mësojnë mënyrat e përballimit të saj.
Kursi aktualisht është i disponueshëm vetëm për civilët. As ushtarët dhe as fëmijët nuk janë të shtruar për momentin.
“Për 10-15 vitet e ardhshme, kjo do të jetë fusha kryesore e punës, sepse çdo banor i vendit tonë po përjeton këtë situatë traumatike”, tha ai për AFP.
Pacienti Makeyev duket gati të pajtohet – edhe vetëm pas katër ditësh në klinikë.
“Jam frymëzuar këtu. Më është dhënë shpresa se kisha humbur tashmë,” tha ai, i veshur me pantallona blu të ndezura dhe një bluzë të bardhë, me zërin e tij të sigurt.
Gjëja e parë që ai synon të bëjë pas përfundimit të terapisë është të kërkojë punë, thotë Makeyev.
“Pres të dal nga këtu i plotfuqishëm dhe i ekuilibruar emocionalisht, as që kam frikë nga kjo fjalë “i lumtur””, thotë Makeyev, me një buzëqeshje të lehtë të dukshme në fytyrën e tij. /Gazeta Shneta/