UNICEF i dhuron IKShPK-së 214 frigoriferë për ruajtje të vaksinave

2022-05-13 në ora 12:30

Pesë dhoma të reja ftohëse për depon qendrore të vaksinave, 214 frigoriferë për ruajte të vaksinave dhe 56 ngrirës vaksinave i janë dhuruar sot donacione nga UNICEF-i në partneritet me USAID-in Institutit Kombëtar të Shëndetësisë Publike.

Zëvendësministrja e Ministrisë së Shëndetësisë, Dafina Gexha, ka thënë se partneriteti ndërmjet ministrisë, UNICEF-it dhe USAID-it është shembull i mirë për të ofruar vaksina të sigurta në Kosovë.

“Ministria e Shëndetësisë thekson rëndësinë e madhe që ka avancimi i teknologjisë dhe pajisjeve për sigurinë në ruajtjen dhe transportin e vaksinave, për të arritur shkallë sa më të lartë të mbulueshmërisë me vaksina të Programit të Zgjeruar të imunizimit dhe të vaksinave të tjera. Partneriteti i institucioneve shëndetësore të Kosovës me UNICEF-in dhe USAID-in është një shembull i mirë i bashkëpunimit për të ofruar vaksina të sigurta për të gjithë në Kosovë”, është shprehur Gexha.

Përmes këtij donacioni do të rriten kapacitetet e ruajtjes së vaksinave në të gjithë vendin.

Zeinah Salahi, Drejtoresha e Misionit të USAID-it gjatë fjalimit të saj theksoi se përmes këtij donacioni do të bëhet sigurimi i të gjithë programeve të imunizimit jo vetëm për coronavirus.

“Ky donacion i pajisjeve nuk do të ndihmojë vetëm programin e vaksinimit kundër COVID-19, por cilindo nga programet e imunizimit të Kosovës për të cilat nevojitet ruajtja në temperaturë të ftohtë, veçanërisht për vaksinimin e rregullt të fëmijëve, që është shërbim thelbësor shëndetësor public”, tha ajo.

Sipas hulumtimeve të bëra deri më tani, vaksinimi është e vetmja mënyrë për të parandaluar vdekshmërin nga coronavirusi. Përvec COVID-19 vaksinimi ndihmonë edhe në parandalimin e shumë sëmundjeve tjera ngjitëse.

Vaksinimi për herë të parë ka filluar në shekullin 18. /Gazeta Shneta/