Mjekët nga ShBA dhe Italia trajtojnë fëmijët me keqformime të lindura të zemrës në Kardiologji

2022-05-13 në ora 13:28

Një grup i mjekëve nga Shtetet e Bashkuara të Amerikës dhe nga Italia, nën asistimin e mjekëve vendor, janë duke ofruar shërbime mjekësore tek fëmijët me keqformime të lindura të zemrës.

Intervenimet e mjekëve nga të dy shtetet janë mundësuar në kuadër të Organizatës Humanitare Gift of Life.

Sipas njoftimi të Shërbimit Spitalor Klinik Universitar të Kosovës GOL është duke e kryer misioni që nga shtatë maji “deri tash janë realizuar 9 operacione në zemër të hapur dhe 15 intervenime kardiologjike”.
ShSKUK gjithashtu njofton se sot gjatë ditës priten të kryhen edhe dy operime kardikirurgjike dhe tre ndërhyrje kardiologjike.

Misioni shtatë ditor i organizatës pritet të përfundoj nesër.

Ministri i Shëndetësisë, Rifat Latifi, javë më parë mori vendimin që të ndryshoj statutin e QKUK-së. Sipas këtij plotësim – ndryshimi, shërbimet e Kardiologjisë Invazive do të hynë në kuadër të Kardikirurgjisë, ndërsa deri më tani këto shërbime kanë qenë në kuadër të Kardiologjisë.

Një gjë e tillë është kundërshtuar nga mjekët e Klinikës së Kardiologjisë Invazive. /Gazeta Shneta/

Ndryshohet Statuti i QKUK-së, shërbimi i stentave rikthehet në Klinikën e Kardiologjisë