Ne kemi dëgjuar se si avokadot ndihmojnë lëkurën tuaj dhe si një dietë mediterane është e mirë për zemrën tuaj. Por, cilat janë ushqimet më të shëndetshme për sytë tuaj?
Shkruan: Dr. Besa Ramadani-Krasniqi, specialiste e Oftalmologjisë
Në artikullin e sotëm ju sjellim pesë ushqimet më të shëndetshme për sytë tuaj.
1. Boronica
Vitamina C është një nder vitaminat kryesore që lirisht mund të quhet si ‘qendër shëndetësore’. Pothuajse të gjitha pjesët e trupit varen nga vitamina C – për rritjen, rigjenerimin e indeve dhe qelizave dhe sytë nuk bëjnë përjashtim. Boronica është e ngarkuar me vitaminën C dhe antioksidantë që ndihmojnë në mirëmbajtjen e qelizave dhe indeve të shëndetshme në sy. Ndihmon gjithashtu në ndërtimin e kolagjenit, i cili siguron po ashtu strukturën e kornesë dhe sklerës.
2. Karrotat
Të gjithë kemi dëgjuar adhurimin e vjetër për të ngrënë karrota për shikim më të mirë. Por, a ka të vërtetë në këtë fakt?! Karrotat janë të pasura me beta-karoten, një formë e vitaminës A, që na ndihmon të shohim natën dhe kur drita është e ulët. Çdo frutë dhe perime me ngjyrë portokalli si: patatet e ëmbla, kungulli, mangot – të gjitha mundësojnë vizion të shëndetshëm dhe parandalojnë degjenerimin makular të moshës.
3. Perimet me gjethe të gjelbra
Perimet me gjethe të gjelbra si lakra dhe spinaqi janë bërë gjithnjë e më të modës “ushqime shëndetësore dhe buja është plotësisht e justifikuar.
Ato jo vetëm që janë të mbushura me vitaminat C dhe E, por gjithashtu përmbajnë karotenoide të fuqishme si: luteinë dhe zeaxanthin. Këto dy antioksidantë ndihmojnë në filtrimin e dritës së dëmshme blu dhe gjithashtu zvogëlojnë rrezikun për sëmundjet e syrit të lidhura me moshën si degjenerimi makular.
4. Salmoni dhe vaji i peshkut
Sytë tanë kanë nevojë për acide yndyrore Omega-3 për të funksionuar siç duhet. Konsumimi i shpeshtë i peshkut si sallmoni e tuna, mund të ndihmojnë në lehtësimin e simptomave të sindromës së syrit të thatë dhe ndihmojnë në parandalimin e degjenerimit makular (AMD’së).
5. Arrat
Arrat përmbajnë një sasi të madhe të Omega 3s me bazë bimore. Vitamina E në bajame, kikirikë dhe arra të tjera mbron gjithashtu qelizat në sytë tonë nga ‘radikalet e lira’ të cilat mund të dëmtojnë indet e shëndetshme.
