Një studim i ri paralajmëron se ushqimet ultra të përpunuara mund të ndikojnë negativisht në jetëgjatësinë e personave që kanë kaluar kancerin.
Sipas hulumtimit të publikuar më 4 shkurt 2026 në revistën Cancer Epidemiology, Biomarkers & Prevention, të mbijetuarit nga kanceri që konsumojnë sasi të larta ushqimesh ultra të përpunuara kanë 59% më shumë rrezik të vdesin nga kanceri dhe 48% më shumë gjasa të vdesin nga çdo shkak, krahasuar me ata që konsumojnë më pak këto produkte.
Studimi ka përfshirë mbi 800 të mbijetuar nga kanceri në Itali, të ndjekur për rreth 15 vjet. Sipas studiuesve, këto ushqime nxisin inflamacionin dhe ndikojnë në funksionin e zemrës, duke rritur rrezikun e vdekshmërisë.
Ekspertët rekomandojnë uljen e konsumit të ushqimeve ultra të përpunuara dhe zëvendësimin e tyre me ushqime të freskëta, minimale të përpunuara dhe të gatuara në shtëpi.