Në këtë pikë mund lirisht të themi se çfarëdo lloji i ushtrimeve aerobike gjatë shtatzënisë ka efekt të mirë tek ju dhe beba juaj, sidomos në forcimin e zemrës dhe duke e aftësuar atë të pompojë më shumë gjatë ditës dhe natës.
Natyrisht kjo gjë që pastaj do të ndikojë në gjithë organizmin tuaj, për arsyen se pas qarkullimit të mirë të gjakut gjithçka do të ecë për së mbari.
Kur flasim për ushtrimet aerobike gjatë shtatzënisë, njëri nga sportet më të sigurta dhe më të lehta gjatë shtatzënisë është noti. Kjo jo vetëm se është një sport ujor por edhe për shkak të lehtësisë në realizimin e këtij aktiviteti. Pra, nuk është se duhet shumë mund dhe punë për të notuar. Natyrisht duhet të paktën të jeni një notare fillestare.
Ka shumë benefite që mund të merrni nga ky sport gjatë shtatzënisë ndërsa unë po I përmend vetëm disa prej tyre:
Noti ndikon shumë pozitivisht njëkohësisht në të dy grupet e muskujve më të gjatë të trupit (këmbët dhe duart). Është një sport i parrezikshëm për trupin sa i përket lëndimeve. Uji e rregullon temperaturën tuaj që të mos ngritet shumë dhe parandalon lëndimet duke mbrojtur ligamentet tuaja gjatë notit. Dhe, sigurisht, megjithëse pesha juaj është më e madhe gjatë shtatzënisë, në ujë do të ndiheni tejet të lehta.
Noti gjithashtu ju ndihmon të mbani peshën brenda kornizave të shëndetshme për trupin tuaj pra të jeni shumë vitale si dhe gjatë prezencës tuaj në ujë, do të normalizoni ënjtjen e këmbëve dhe duarve, të cilat janë të zakonshme në shtatzëni.
Ekziston një parameter I kohës I cili është I lejueshëm për gratë shtatzëna të notojnë dhe kjo nënkupton që ju të notoni 20 deri në 30 minuta më së shumti, disa herë në javë nëse nuk keni mundësi çdo ditë.
Por, gjithsesi përpara se të nisni çfarëdo lloj sporti gjatë kësaj periudhe të bukur të jetës suaj, duhet të konsultoheni me gjinekologun tuaj pasi që ai e njeh më së miri gjendjen tuaj të përgjithshme shëndetësore dhe ju tregon nëse mund të vazhdoni të notoni ose jo. / Gazeta Shneta