Përdorimi i rrjeteve sociale shpesh përshkruhet si problematik për shëndetin mendor dhe imazhin e trupit. Por a janë të këqija të gjitha mediat sociale?
Hulumtimi ynë i ri tregon se shikimi i postimeve pozitive të Instagram mund të përmirësojë qasjen e tyre ndaj imazhit të trupit të paktën në afat të shkurtër, transmeton GazetaShneta.
Me një ndërgjegjësim më të madh, përdoruesit e rrjeteve sociale mund të jenë në gjendje të kujdesen për një mjedis të medias sociale që promovon imazhin pozitiv të trupit duke shmangur ose bllokuar llogaritë që idolizojnë pamjet perfekte të fizikut të cilat shpesh herë janë të rregulluara me photoshop dhe programe tjera.
Shqetësimet rreth pamjes së trupit janë të zakonshme tek vajzat e reja dhe mund të kenë pasoja serioze negative. Shumica e të rinjve përdorin mediat sociale çdo ditë dhe studimet sugjerojnë se shikimi i përmbajtjeve “perfekte” të paraqitjes së fizikut lidhet me një qasje negative ndaj vetes nga këto vajza.
E një lëvizje e re që është shëprndarë në Instagram “Body Positivity” ose Pozitiviteti Trupor, synon të sfidojë idealet e ngushta të bukurisë dhe të inkurajojë pranimin dhe vlerësimin e trupave të të gjitha formave, madhësive dhe paraqitjeve.
Një analizë e përmbajtjes së fundit të kësaj faqeje tregon që këto poste me të vërtetë përshkruajnë një gamë të gjerë të madhësive të trupit.
Megjithëse përmbajtja pozitive e trupit ka për qëllim t’i bëjë gratë të ndjehen më mirë në lidhje me paraqitjen e tyre, nuk ka patur asnjë hulumtim që konfirmon nëse kjo çështje me të vërtetë paraqet një problematikë reale.
Sipas një hulumtimi të bërë nga “The Conversation” është zbuluar se ekspozimi i shkurtër ndaj publikime pozitive ka rezultuar në një qasje më pozitive ndaj trupit dhe gjendjes shpirtërore në gratë e reja që janë përfshirë në hulumtim.
Si përfundim, ne duhet të jemi më të vetëdijshme për përmbajtjen që po konsumojmë. Zgjedhjet e konsideruara rreth asaj se kë ndjekim dhe mesazhet që zgjedhim t’u besojmë, mund të na ndihmojnë të ndiheshim më mirë. Andaj kalkuloni mirë edhe një herë profilet që ndiqni./GazetaShneta/
